Kvinner i slåsskamp
Ein Bar2be-gjest blei kjørt i arresten i natt, to timar seinare rykte politiet ut på slåsskamp mellom to kvinnelege gjestar på Irish Cat.
Politiet i Os fortel om tre tilfelle av uro og bråk i natt.
Eit av tilfella handla om høg musikk i Finnebrekka. Den rykte politiet ikkje ut på, for dei var opptatt med forhold i sentrum.
– Klokka 00.40 fekk vi melding om bråk på Bar2Be. Ein mann i midten av 20-åra blei tatt med, via legevakt, til Bergen for overnatting i arresten, seier politibetjent Therese Bernsen.
Klokka 03.05 fekk politiet melding om slåssing på Irish Cat.
– To kvinner hadde slåss med kvarandre. Patruljen fekk snakka med begge partane.
OPPDATERT: Etter det Midtsiden kjenner til var det snakk om ei kvinne som gjekk til angrep på ei anna kvinne. Fornærma rakk å slå eit slag tilbake før dei to blei skilt frå kvarandre. Fornærma skal ha sagt at ho vil melda episoden.