Kyrkjelyden blomstrar

- Soknerådet er oppteken av at kyrkjelyden skal blomstra, det gjer den allereie seier biskop Halvor Nordhaug.

Biskopen er i Os på femdagars visitas som sluttar med gudsteneste og visitasføredrag sundag. I løpet av dagane på Os har biskopen hatt samtalar med dei tilsete i kyrkjelyden, soknerådet og den kommunale leiinga. Sist det var bispevisitas var for 14 år siden.

Skryt av dei friviljuge
Biskop Halvor Nordhaug er imponert over det store antallet friviljuge som deltek i Oskyrkja.

- Her har eg møtt ein kyrkjelyd med stor aktivitet, som gjer eit godt arbeid for born og unge. Eg må sei eg er imponert over dei 250 – 300 friviljuge som engasjerar seg på ein eller annan måte i kyrkja, innleiar biskop Halvor Nordhaug.

Heile 18 forskjellige virksomheter i menigheta har tilbod til born og unge frå 0 – 13 år. Den strategiske utfordringa vert å ta vare på ungdommane også etter at dei har vore konfirmantar fortel biskopen.

Fint møte med ungdommar
Torsdag var biskopen på vitjing fleire stader i Os.

- På Søfteland skule hadde eg ei fin samtale med tiandeklasse. Ungdomane hadde forberedt eindel spørsmål til meg. Det vart ei fin stund, seier Nordhaug.

Utfordra kommunen
I møtet med fungerande ordførar Marie Bruarøy, rådmann Knut Terje Rekve og leiar for oppvekst og kultur Ingvar Torsvik utfordra biskopen kommunen til å øka bidraga til kyrkja.

- Eg utfordra kommunen til å auka bidraget til ungdomsarbeidaren i kyrkja, samt å ta det økonomiske ansvaret for å gjera diakon-stillinga fast. Denne er eit toårig prøveprosjekt som snart er ved halvvegen. Diakonen er med på å skapa eit felleskap og møteplassar, spesielt for dei som sit aleine. Diakonen har gjort ein verdifull jobb og har skapt masse frivilligheit. På den måten skapas det meir enn det som det kostar.

- Eg fekk inntrykk av at velviljen er stor, men at det ikkje er like lett å følje opp økonomisk, seier biskop Nordhaug.

Gudstenesta og visitasforedraget eit høgdepunkt
For biskopen sjølv blir gudstenesta og det påfylgjande visitasforedraget høgdepunktet under visitasen.

Allereie no kan han letta litt på sløret om kva han vil snakka om i foredraget.

- Eg vil peika på det gode ungdomsarbeidet som gjerast, utfordre kyrkjelyden til å få meir sving på givertenesta og arbeidet med å fornya sundagsgudtenesta slik at fleire yngre kjem. Eg vil også koma innom utfordringa det er å vera ei eining, når medlemane har forskjellig syn på korleis kyrkjelydsarbeidet skal drivast. Vi må visa romsle innan visse grenser, avslutar biskop Halvor Nordhaug.