Kultur | 25. juni 2012

Lader opp til festival

– Det er mange eg ventar mykje av til helga, både utlendingane og nokre norske galningar, seier festivalsjef Tore Lekve.

Lader opp til festival
Tidlegare festivalsjef Per Kristian Hægland (t.v.) var innom Tor Egil Hylland og dei andre frivillige som sto på stand for Øsøren under marknadsdagane i helga. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøymandag 25. juni 2012 10:35

Torsdag startar årets Osøren Blues & Jazzfestival med opning av utstilling av Geir Nymark i Galleri Oz og jam på Peppes utover kvelden.

Peppes Pizza på kaien er årets hovudscee, men også Oseana er i bruk fredag og laurdag og Oselvarnaustet husar to jazzkonsertar laurdag kveld.

Kyrkjekonserten skjer som vanleg i Os kyrkje, dei populære cruisa er om bord i MS Midthordland.

– Eg har ikkje oversikt over billettsalet, men det byrjar å tetta seg godt til på Peppes og nokre av cruisa er utselte, seier festivalsjef Tore Lekve.

Lokalt og internasjonalt i Oseana

I Oseana kan du oppleva Washamba og Billy Gibson & The Buckshots Hunters fredagen og ORBO & The Longshots og Teresa James & The Rythm Tramps laurdagen.

– Den livlege jazzgjengen i Washamba og dei populære bluesrockarane i ORBO & The Longshots drar nok sitt publikum, i tillegg blir det kjekt å sjå amerikanarane i The Buckshots Hunters, fredagen med Billy Gibson i Oseana og laurdagen med J.T. Lauritsen på Peppes.

– Også Teresa James frå USA og JW Jones frå Canada er vi spente på å visa til osingane. Eg har opplevd nokre av desse på utanlandske banda på bluescruise til Kiev, og dei lagde ei fantastisk stemning.

Startar tidleg

Frå vorspiel med jam på torsdag held festivalev fram med opning klokka 17 ved J.T. Lauritsen & The Buckshots Hunters på Peppes klokka 17 fredagen.

– Etter opninga kjem noko av det eg gler meg mest til, urframføringa av bestillingsverket vårt frå trommisane Magne Lunde og Bjørn Moe.

Også laurdag startar festen tidleg - med lunsj med Jolly Jumper & Big Moe klokka 11.

– Etter lunsj blir det jam og matiné, som Blue Note Shuffle skal styra. På matineen byr vi på ei rocka overrasking av eit band med minst éin frå Os, og med ein ung og ekstremt god gitarist.

– På matineen kjem også Ladyshave Experience, ei gruppe sett saman av fleire erfarne musikarar, med Geir Mæle som frontfigur. Mæle er heilt galen, så det er berre til å finna seg ein god plass laurdag formiddag og bli sitjande ut dagen, seier festivalsjefen.

VIDEO: Sjå Teresa James på Sandy Beach Cruise. Til helga speler ho i Oseana og i Os kyrkje.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.