Baldakinane fekk verkeleg gjort nytte for seg då Madam Ane lagde moteshow i regnet. (Foto: Kjetil Vasby Bruarøy)

Lagde vårstemning i regnet

Moteshow, musikk og enkel premiefangst under årets Vårslepp.

image
image
image
image
image
image
image
image
image
image
image
image
image
Av: Kjetil Vasby Bruarøy

Etter ti dagar med sol var litt regn nok til at store delar av publikum svikta årets Vårslepp.

– Det var samtidig første helga etter påske, og ein del andre ting som skjedde i Os, seier avtroppande leiar for Os Sentrumsforening, William Lindborg.

Humanistiske konfirmasjonar, Ulvenmarknaden og lokaloppgjer mellom Os og Lysekloster sto òg på plakatane rundtom i bygda.

– Dei som kom såg ut til å ha det kjekt, stemninga var fin og fleire butikkar kan ha gode dagar sjølv om ikkje torget er tettstappa med folk. Lilleballong si premiemaskin blei veldig populær, det var det kø.

Delte ut 11-åringar

Blant utstillarane var fleire politiske parti, Lions, som selte tulipanar til inntekt for speidarane i Os - og CISV.

– Det kjem mange 11-åringar på leir i Os til sommaren, og vi treng framleis nokre vertsfamiliar til to av helgene i juli, fortel Evy Fredriksen.

Også Osfest var på stand.

– Billettane går av seg sjølv på nett, men vi sel også billettar her. Hovudårsaka til at vi er på stand er for å møta frivillige og for å snakka med potensielt nye frivillige, fortel Tor Egil Hylland.

– Vi har mange frå før, som er med vidare, men det går ikkje automatikk i dette. Etter nye GDPR-reglar må alle frå førre festival registrera seg på nytt år for år.No er vi oppe i rundt 100, men vi treng 250 til 300.

Mote og musikk

Etter Madam Ane sitt moteshow, som gjekk på catwalk under baldakinane, spelte 2. klassingane frå Langhaugen Josefine Hansen Bøe og Sune Dommersnes gitar utanfor Dysvik i Brugata.

– Det er tilfeldig at vi fekk dette oppdraget. Eg var innom for å handla, med gitarkasse på ryggen, og blei spurd om eg spelte i band og om eg kunne spela i eller utanfor butikken, fortel Josefine.

 

Josefine Hansen Bøe og Sune Dommersnes - april 2019 from Midtsiden on Vimeo.

Fleire saker