Kultur | 27. okt. 2014

Lamslått publikum

VIDEO: Det var verdsklasse over konserten Os Musikkforening arrangerte i Oseana søndag kveld. Sjå stjerneskota frå Os briljera med kvar sine instrument.

Kjetil Vasby Bruarøy
Kjetil Vasby Bruarøymandag 27. okt. 2014 10:11

Bildeserie:

Aurora Aksnes landa frå USA under konserten, men rakk fram til andre akt. (Foto: Kjetil Vasby Bruarøy)
Os Musikkforening med dirigent Per-Lorenz Milotzki. (Foto: Kjetil Vasby Bruarøy)
Konferansier Karl Ole Midtbø spreidde humor og kunnskap ut i salen. (Foto: Kjetil Vasby Bruarøy)
Mariann Herheim spelte Mozart. (Foto: Kjetil Vasby Bruarøy)
Gina Aspenes song Natural Woman og Hot Stuff. (Foto: Kjetil Vasby Bruarøy)
Strange Meeting med Tore Hodneland. (Foto: Kjetil Vasby Bruarøy)
I den grad det går an å herje med ei fløyte, sjå videoen av Ingrid Neset. (Foto: Kjetil Vasby Bruarøy)
Marius Neset hadde med seg éin saksofon, men høyrdes ut som tre. (Foto: Kjetil Vasby Bruarøy)
Aurora Aksnes landa frå USA under konserten, men rakk fram til andre akt. (Foto: Kjetil Vasby Bruarøy)
Os Musikkforening med dirigent Per-Lorenz Milotzki. (Foto: Kjetil Vasby Bruarøy)
1 av 8
Os Musikkforening med dirigent Per-Lorenz Milotzki. (Foto: Kjetil Vasby Bruarøy)
Konferansier Karl Ole Midtbø spreidde humor og kunnskap ut i salen. (Foto: Kjetil Vasby Bruarøy)
Mariann Herheim spelte Mozart. (Foto: Kjetil Vasby Bruarøy)
Gina Aspenes song Natural Woman og Hot Stuff. (Foto: Kjetil Vasby Bruarøy)
Strange Meeting med Tore Hodneland. (Foto: Kjetil Vasby Bruarøy)
I den grad det går an å herje med ei fløyte, sjå videoen av Ingrid Neset. (Foto: Kjetil Vasby Bruarøy)
Marius Neset hadde med seg éin saksofon, men høyrdes ut som tre. (Foto: Kjetil Vasby Bruarøy)
Aurora Aksnes landa frå USA under konserten, men rakk fram til andre akt. (Foto: Kjetil Vasby Bruarøy)

VIDEO: Sjå knappe 8 minutt av konserten i Oseana søndag. (Foto/klipp: Kjetil Vasby Bruarøy)

– Når stjerneskota blir store nok så blir det fyrverkeri, sa konferansier og tidlegare dirigent for Os Musikkforening, Karl Ole Midtbø.

I tillegg til gitarist Tore Hodneland, klarinettist Mariann Herheim og vokalist Gina Aspenes kom fleire unge stjerneskot frå Os flygande heim til bygda, Ingrid Neset frå Geneve, Marius Neset spelte i Frankfurt torsdag og Aurora Aksnes landa med fly frå New York ein halvtime etter at konserten hadde starta og blei kjørt direkte til Oseana for å synga etter pausen.

Les meir om solistane: Stjernespekka heilaftan

Med kunnskap og humor kunne Midtbø introdusera og kommentera solist etter solist og stykka dei skulle spela eller hadde spelt.

– Unikt og rørande

– Vi hadde fått KUP-midlar for å samla dei unge stjernene frå Os, og vi ville halda prisen låg. Det er nok ganske spesielt å kunna by på alle desse fantastiske musikarane for berre 230 kroner.

– Derfor er vi litt skuffa over at ikkje salen blei heilt full, seier Marit Aasheim Valle frå Os Musikkforening.

Rundt 400 av 500 billettar blei selt.

– Ein erfaren musikar frå Bergen, utdanna dirigent i London, reiste frå Nordfjord til Os med familien for å få med seg konserten.

– I pausen sa han at det er lenge sidan han har blitt så rørt av musikk som han blei denne kvelden. Andre kom til meg i pausen og etter konserten og sa at dei var heilt lamslått, fortel Valle.

Ungdomen briljerte

Først spelte Mariann Herheim Mozart, så fekk vi spellemannsprisvinnar Gina Aspenes på vokal, i fleire rundar, med gitarsolo av Tore Hodneland. Gina song Natural Woman og Hot Stuff.

– Av og til er det sånn at talent er samla på eit avgrensa område, gjerne under same tak, sa Midtbø om Ingrid Neset og broren Marius, som både spelte åleine og saman, med fløyte og saksofon.

Du trengte ikkje ha eit trent øyre for å forstå at det vi fekk servert var frå øvste hylle.

– Det Ingrid gjorde i dag er ekstremt vanskeleg og teknisk krevjande, ho er i ein heilt eigen liga. Vi blir både imponert og inspirert, sa Anita Herland, som speler same type fløyte i Os Musikkforening.

Også Marius briljerte, ikkje minst då han spelte låta som han har skrive for å få det til å høyrast ut som om det er to eller fleire saksofonar i sving. Sjølv om det berre er éin.

Etter pausen hadde Aurora Aksnes landa frå turneen i USA. I desember for under eit år sidan lasta ho opp si første låt på NRK Urørt, i september fekk ho platekontraktar i USA og Tyskland.

Aurora song fire låtar, akkompagnert av Odd Martin Skålnes, som passa veldig godt saman med Aurora på gitar og koring.

Os Musikkforening, med dirgent Per-Lorentz Milotzki, sto for introen og akkompagnerte på fleire låtar.

– Musikarane vi hadde med oss har vore utruleg rause, vi er veldig takksame! Vi vil også retta ei stor takk til alle som hjelpte til med lyd, lys og akkompagnement, frå Karl Ole til Terje og Anne Leni, Knut Vidar Garlid og Nils Midtseter, seier Marit Valle.

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Fra 36 kr/uke
Se priser

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.