Landa på 5. plass

Søndag blei siste runde av årets 5. divisjon spelt med bortekamp for begge laga frå Os.

• Lysekloster, som for lengst har sikra opprykk til 4. divisjon, vann 4-0 over Eidsvåg og kan sjå tilbake på ein sesong der dei har tatt 64 av 66 moglege poeng og spelt seg til ein målforskjell på 129-14 (!).

• Søre Neset hadde også mål om opprykk, men etter ein del svake heimekampar blei det vanskeleg og med bortetap for Rosendal i tredje siste runde var alt håp ute.

Siger i denne kampen ville uansett ikkje ha redda opprykket, for Solid, som allereie var forbi Søre Neset, vann borte over Rosendal i siste runde og rykker opp saman med Lysekloster.

Tap førte til Fusa-nedrykk

Søre Neset møtte Laksevåg 2 borte i siste runde. Laksevåg 2 trengte siger over Søre Neset og tap til Fusa i deira kamp mot Tornado Bergen for ikkje å rykka ned.

Fusa tapte 2-7 og Laksevåg 2 slo Søre Neset.

– Vi leia to gongar, men hadde tynn stall og lite å kjempa for, medan heimelaget jobba knallhardt ut kampen, seier Søre Neset-spelar Anders Kinden.

Thomas Halhjem skåra kampens første mål, Laksevåg 2 utlikna før pause. Tore Kinden gav Søre Neset leiinga igjen, men så kom heimelaget tilbake og vann 6-2.

Fusa slo Laksevåg 2 5-4 i førre runde, men det hjelper lite. No må dei ned i 6. divisjon saman med Baune 2.

Tabell, 5. div avd 2

I avdeling 1 var det NHH som vann serien framfor Dale. Apollo og Kvernbit landa nedst på tabellen.

I avdeling 3 var det Nymark og Telavåg som landa øvst, her var Austrheim og Floppen svakast.