Lang kø på Halhjemsvegen igjen

To trafikantar har fredag kontakta Midtsiden for å fortelja om lang kø retning Halhjem og Halhjem ferjekø fredag ettermiddag.

– Eg har stått dønn i ro her i 5-6 minutt, seier ein av dei klokka 15.

Klokka 15.25 har køen vakse frå Haugland til Lepsøykrysset.

Førre helg, fredag før pinse, rekna Torghatten med betre flyt enn tidlegare år, men det blei kø til Moberg denne gong òg.

I dag er det truleg kansellerte ferjer som er årsaka.

I tillegg skal fotballcup på både Bømlo og i Etne vera med på å skapa auka trafikk.

Torghatten har hatt fire kanselleringar frå Halhjem i dag, klokka 8.30, 10.10, 11.50 og 13.30.

Alle har vore på grunn av tekniske problem med MF Samnøy.

Midtsiden veit ikkje om reserveferja MF Fanafjord er sett i drift. Vi har heller ikkje lykkast i å nå driftssjef hos Torghatten.