Næringsliv | 16. feb. 2011

Lanserer P66 Weekend

Askeladden på messe i Bergen med seks nye båtar. Ein av dei er romslege P66 Weekend.

Lanserer P66 Weekend
Kjetil Vasby Bruarøy
Kjetil Vasby Bruarøyonsdag 16. feb. 2011 12:54

Bildeserie:

bilde
bilde
bilde
bilde
bilde
bilde
bilde
bilde
bilde
bilde
bilde
bilde
bilde
bilde
bilde
bilde
bilde
bilde
1 av 9
bilde
bilde
bilde
bilde
bilde
bilde
bilde
bilde
bilde

Når båtmessa Dra til Sjøs i kveld opnar dørene er det med seks båtar frå Askeladden som ikkje har vore vist fram i Bergen før. Mest spennande er truleg den romslege heilårsbåten P66 Weekend.

– Våre forhandlarar Hordaland, Båtens Beste og ABL Båt og Fritidssenter, stiller med tre nye modellar av Askeladden; P65 Rib, P66 Weekend og C84 Voyager, fortel marknadssjef i Askeladden Boats AS, Leif Bergaas.

– I tillegg blir nok tre andre båtar ekstra spennande for gjestane på messa, båtar som ikkje har vore stilt ut i Bergen før, P66 Pilothouse, Commuter 10 Rib og ein re-introdusering av Commuter 8.

P66 - plass og funksjon

P66 Pilothouse, som blei lansert i fjor på denne tida, blei ein braksuksess. Den praktiske heilårsbåten sto åleine for 30 prosent av omsetnaden ved fabrikken.

– No kjem den romslege turversjonen, P66 Weekend, på same skrog, men med prioritet på tur- og bukomfort og med ekstremt god plassutnytting.

P66 er berre 22 fot lang, men har liggeplass til fire i kabinen, låsbart toalett, sitjegruppe i styrhuset og kalesje med full ståhøgde ute. Utstyr som pantry med kjøleskap og vask, dekkspyling, kraftig arbeidslys på dekk og full utvendig styreposisjon med ekkolodd og kartplottar er også noko han ventar at båtfolket vil setja pris på.

Stor båt til liten pris

Askeladden ser ut til å vera inspirert av bilbransjen i utforminga av den romslege 22-fotaren. Blant bilar har mini-SUVs blitt populære, bilar med mange av eigenskapane til SUV-ane og du eksklusive «børstraktorane», men i lågare prisklasse.

– Vi meiner vi har skapt noko nytt med P66 Weekender, ein ny generasjon fritidsbåt, praktisk og enkel heile året, til langt lågare pris enn av kva du må betala for å få tilsvarande funksjon, komfort og fart.

P66 Weekend er 6,60 lang, 2,50 brei, veg 1500 kg utan mann og motor og går i cirka 34 knop med største motoralternativ, Suzuki 150 hk påhengs. Prisen ligg på rundt 450.000 kroner med 115 hk, før du har bestilt ekstrautstyr.

Daycruisarar framleis størst

Askeladden-forhandlaren i Os, Båtens Beste, selte langt meir enn dobbelt så mange P66 Pilothouse i fjor, i forhold til kor mange dei bestilte. I år har Askeladden-fabrikken fått bestillinger på heile årsproduksjonen av både Pilothouse og den nye Weekend, forhandlarane har fylt butikkane og bryggene sine før sesongstart.

– Vi gler oss over dette og har budsjettert med 20 prosent vekst i omsetnaden i år, seier administrerande direktør Henrik J. Askvik.
Sjølv om Askeladden gjer suksess med det nye P-segmentet, som no har dobla utvalet, er daycruisarar framleis viktigaste varegruppe.

Desse står for 38 prosent av omsetnaden.

– Samstundes held vi på skjergardsjeepane. Salet av denne kategorien er mykje meir avhengig av vêret enn for større båtar, i fjor regna mykje av småbåtsalet vekk. Men mindre, opne båtar er også framover ein del av Askeladden-sortimentet, forsikrar Henrik J. Askvik.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.