Fotball | 17. des. 2020

Lassen og Åsane vann første kvalik til Eliteserien

Snudde heimekampen mot Raufoss.

Lassen og Åsane vann første kvalik til Eliteserien
Simen Helland Lassen då Åsane slo Os ut avcupen i 2018. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøytorsdag 17. des. 2020 08:13

Åsane spelte i går, for første gong i klubbens historie, kvalifiseringskamp til Eliteserien.

Dei landa på 5. plass i årets sesong i OBOS-ligaen, og tok imot Raufoss. Raufoss kom på 6. plass, men slo Åsane i begge møtene i serien (3-1 og 0-1).

I Vestlandshallen i går tok dei leiinga 0-1 i 24. minutt ved Mame Mor Ndiaye, men Åsane slo tilbake. Håkon Holmefjord Lorentzen utlikna i 36. minutt, Kristoffer Valsvik gav Åsane leiinga i 45. minutt. To minutt før full tid skåra Lorentzen igjen, og Åsane vann 3-1.

Osingen Simen Helland Lassen spelte frå start til han blei skifta ut på overtid. Lassen gjekk frå Os til Brann etter 2012-sesongen, og spelte sin første kamp for Åsane i 2015.

Thomas Hille, som har spelt for både Lysekloster og Os, sto i mål.

Ny kamp på laurdag

Neste kvalikrunde går borte mot Ranheim laurdag. Ranheim kom på 4. plass og slo Åsane 0-3 og 3-1 i serien i år.

Om Åsane slår Ranheim står Sogndal, som landa på 3. plass, for tur.

Tromsø og Lillestrøm tok 1. og 2. plassen og rykker direkte opp frå OBOS-ligaen.

Kongsvinger og Øygarden kom sist og rykker ned.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.