Lause hundar og rar parkering
Politiet har fått melding om lause hundar i Vågshaugen og trafikkfarleg parkering ved Os barneskule.
Måndag fekk politiet melding om ein eller fleire lause hundar i Vågshaugen.
– Hundane skal ha vore skremmande for folk i området, fortel politioverbetjent Terje Sperrevik.
Han minner om at hundeeigarar, der det ikkje er bandtvang, likevel må ha kontroll på hundane sine.
Førebels har ikkje politiet oppretta sak på gårsdagens hundeslepp.
Dårleg parkering
Tysdag formiddag fekk politiet, og Midtsiden, melding om ei rar og trafikkfarleg parkering.
– Bilen står parkert i motsett kjørefelt, på ein stad der det er ganske uoversikteleg, fortel innringaren.
Ei stund seinare kom patruljen på plassen og traileren forsvann. Eller i motsett rekkefølgje (!).
– Eg ser at det er notert at vi har hatt ein bil ute i det området, men ikkje meir enn det, seier Sperrevik.