Lokal | 30. okt. 2017

Legg grus mellom Solbakken og Lekven

Ein skogssti blir oppgradert som alternativ til skulevegen mellom Lepsøykrysset og Solbakken/Thuen.

Legg grus mellom Solbakken og Lekven
Rett nord for Lepsøykrysset går denne, lite brukte kulverten. Med grus mot Solbakken blir det eit tryggare alternativ til Trolldalen. (Foto: KVB)
Kjetil Vasby Bruarøy
Kjetil Vasby Bruarøymandag 30. okt. 2017 12:18

Bildeserie:

Den øvste streken viser stien som no skal få grus. (Google Maps)
Den øvste streken viser stien som no skal få grus. (Google Maps)
I dag er vegen frå Lekven til Solbakken ganske gjørmete. (Foto: KVB)
I dag er vegen frå Lekven til Solbakken ganske gjørmete. (Foto: KVB)
Duken ligg klar, grusen skal koma ganske snart. (Foto: KVB)
Duken ligg klar, grusen skal koma ganske snart. (Foto: KVB)
1 av 3
Den øvste streken viser stien som no skal få grus. (Google Maps)
I dag er vegen frå Lekven til Solbakken ganske gjørmete. (Foto: KVB)
Duken ligg klar, grusen skal koma ganske snart. (Foto: KVB)

Innbyggar i Solbakken, Bjarte Tolleshaug, har sett fokus på trafikktryggleiken for fotgjengarar mellom ulykkesutsette Lepsøykrysset og krysset mellom Solbakken og Lepsøyvegen.

Søndag fortalde vi om dialogen han har hatt med Statens vegvesen og viste ein video av dagens situasjon, filma av elev og brukar av skulevegen, Trond Tøsdal. Tolleshaug kom òg med forslag til midlertidige tiltak, og tilrettelegging av alternativ skuleveg mens innbyggarane ventar på at Hordaland fylkeskommune skal prioritera utbetring av Lepsøykrysset.

Same dag blei vi kontakta av entreprenør Botnevik Samdrift, leverandør for blant andre Os kommune, som kunne fortelja at arbeidet med den alternative skulevegen ikkje er langt unna.

Dette blir stadfesta av Marianne Kramer, leiar for tekniske tenester i Os kommune.

Høgt prioritert

– For det første vil eg seia at Lepsøykrysset står øvst på prioriteringslista i trafikktryggleik-planen vår. Det er denne fylkeskommunen ser på før midlar blir tildelt, men det er usikkert om og når det kjem pengar til prosjektet, fortel Kramer.

Når det gjeld den alternative vegen er ting meir sikkert.

– Vi vil legga grus frå Solbakken til kulverten under E39. Dette blir ein god veg for elevar frå Kuvågen og Lekven på veg til Nore Neset ungdomsskule, og for ungar frå Moberg, Mobergslia og Solbakken på veg til Lunde barneskule.

– Tidlegare har vi berre kappa buskar og slått graset, men no vil vi legga duk og grus så det blir betre for fotgjengarar. Ved kulverten er det noko bratt, men det skal gå fint å ta med seg sykkel, om syklistane går av sykkelen enkelte stadar.

Arbeidet var nær ved å starta før kommunen måtte retta fokus på Langedalen, der svikt i ein eldre mur skapte fare for at vegen ville siga ut. No kan det bli oppstart i Solbakken om ikkje så lenge.

– Det er Agnete Haugland hos oss, som er på ei samling i dag, som sit på dette med gjennomføringa. Men det er mogleg at arbeidet startar ganske snart, seier Kramer.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.