Næringsliv | 15. feb. 2020

Legg ned åtte av dei nye butikkane

– Sport Norge Os og dei andre etablerte i bergensområdet står ikkje i fare, seier kjededirektør Tor-André Skeie.

Legg ned åtte av dei nye butikkane
Sport Norge blei i haust slått saman med ein av Sport Outlet-butikkane i Oslo. (Foto: KVB)
Kjetil Vasby Bruarøy
Kjetil Vasby Bruarøylørdag 15. feb. 2020 13:25

Det største selskapet i Os, Invent Sport, eig kjedane Sport Norge og Sport Outlet, i tillegg til produksjons- og importselskapet Elements Sport.

Sport Outlet har auka til 71 butikkar. Sport Norge, som er faghandlar innan sportsvarer, har vakse seinare. Etter å ha auka frå 6 til 17 butikkar på 2 år, reduserer dei no til 9 butikkar.

– Sport Norge Os, Sport Norge Laguneparken og andre i bergensområde har vi plan om å driva vidare, seier Tor-André Skeie til Midtsiden.

Det var i april 2017 at Odd Arne Larsen og brørne Tor-André og Jan Frode Skeie kjøpte MX Sport-kjeda ut av MX Sport Holding AS, som då hadde dei seks butikkane Os, Laguneparken, Åsane, Sletten Senter, Askøy og Sotra.

To månadar seinare kom dei med namnet på den nye kjeda; Sport Norge.

E24.no fortel i dag at Sport Norge-butikkane som blir lagt ned er: Gjøvik, Hunstad, Kristiansund, Mo i Rana, Namsos, Sørlandssenteret, Oslo og Ålesund.

Samtidig har eigarane ambisjonar om å ekspandera vidare med lågpriskjeda Sport Outlet, frå 71 til 150 butikkar.

– Butikkane er ikkje konkurs, det er styrt avvikling for butikkar som ikkje har hatt gode resultat. Alle butikkane vi legg ned ligg i eller nær byar der vi har Sport Outlet-butikkar, så vi vil framleis kunna betjena desse marknadane på ein god måte, skriv Skeie i brev til leverandørane sine, ifølgje E24.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.