Legg tilrette for gravide

I følgje tal frå 2015 blei 90% av dei gravide som jobbar i Os kommune heilt eller delvis sjukemeld i svangerskapet. No tek kommunen grep for at fleire kan stå lengre i jobb. Målet er å redusere sjukefråværet til dei gravide med i gjennomsnitt fem veker.

– Dei gravide er ein kjemperessurs. Det er viktig både for dei gravide sjølv, og for kommunen, at dei kan stå i jobb så lenge som mogleg, seier rådmann Christian Fredrik Fotland.

Tilset jobb-jordmor

Eit av grepa kommunen vil gjera er å tilsetta jobb-jordmor, som ein nøytral tredjepart som skal gje råd og veiledning til dei gravide og arbeidsgjevar i tilrettelegginga. Tilbodet er ein tilleggsteneste for å trygga dei gravide slik at dei står i jobb lengt mogleg.

– Gjennom tilrettelegging, råd og veiledning trur vi at vi skal lykkast med at fleire gravide er i stand til å stå i jobben lengre.

– Eg har erfaringar frå tilsvarande prosjekt frå tida mi som rådmann på Lillehammer, kor det blei svært vellykka, så eg har store forvetningar til at vi skal lukkast også i Os, seier Fotland som i samband med 2018-budsjettet reknar med å finne middel til stillinga.

Les meir om prosjektet på inkluderande arbeidsliv i Hordaland