Leia to gongar over Fana

Lysekloster - Fana 2-2 (1-0)

Laurdag spelte Lysekloster treningskamp mot Fana i Sotrahallen.

I fjor vann Fana begge serierundane (0-2 og 5-3), i går gjekk Lysekloster i føringa to gongar.

– Vi ønskte å ha ballen mest, og å øva på etablert angrep. Samtidig ville vi jobba med å ha god balanse i det defensive presset. Det lykkast vi med i fleire periodar, eg er nøgd med det vi presterte i dag, seier Lysekloster-trenar Ruben Hetlevik.

– Var det risikofylt, mot eit lag med så raske spelarar som Fana?

– Ja, begge skåringane deira kom på kontring. Men det er greit å ta litt sjansar når det er treningskamp.

I 36. minutt gjekk Lysekloster opp i 1-0 ved Johan Stormyr. Fana utlikna etter pause, men Lysekloster tok leiinga igjen i 86. minutt. Likevel endte det 2-2.

– Dette var ei veldig god gjennomkøyring for vår del. Vi skaper flest sjansar og er ekle å møta, seier Fana-trenar og osing Ørjan Håland.

– Eg fekk gi debuten til tre 16-åringar etter ause, og dei er med på å snu kampen. Vi trener veldig hardt for tida, om to månadar kjem vi til å vera i storform.

Lysekloster sitt lag mot Fana: Joaquin Ketlun (keeper), Kevin Berg, Ivan Moran, Peter Aase, Hubert Kotus, Thorvald Trætteberg, Joachim Westrheim, Marius Bildøy, Eirik Jacobsen, Johan Stormyr og Simen Næss.

Innbytarar: Emil Harloff (keeper), Ronny Rojas, Kristian Eidsnes, Sebastian Aase, Håkon Brautaset, Preben Skorpen og Audun Kåre Øvrelid.