Sport | 25. nov. 2017

Leif Simen Mjånes (13) tatt ut på kretslaget

Klubbane i Os har no 10 kretslagsspelarar fordelt på 3 årstrinn.

Leif Simen Mjånes (13) tatt ut på kretslaget
Leif Simen Mjånes kom til Os frå Eikelandsfjorden for eit år sidan. No er han tatt ut på kretslaget.
Kjetil Vasby Bruarøy
Kjetil Vasby Bruarøylørdag 25. nov. 2017 08:58

Denne veka starta kretslagstreningane, som går i Vestlandshallen i Åsane gjennom vinteren.

Det er tatt ut deltakarar på tre årstrinn, talentfulle spelarar som fyller 14 (fødd i 2004), 15 og 16 år i 2018.

I yngste gutegruppe, G04, er Leif Simen Mjånes frå Os Fotball tatt ut.

– Han kjem opprinneleg frå Eikelandsfjorden il, men har vore i Os det siste året, fortel dagleg leiar i Os Fotball, Endre Brenne.

Brenne kjenner til Mjånes, og har sjølv hatt 1 til 1-trening med talentet frå Fusa.

– Han er ein kjempespennande spelar, fotrapp og teknisk, og aggressiv og energisk i spelet sitt. Vi ønskjer han lykke til med treningsøktene i Vestlandshallen!

På fotball.no ser du heile gut 2004-uttaket.

Fire frå Os i éin årgang

I tillegg er tre jenter frå Os, i same årgang, tatt ut.

Anna Rød og Karoline Louise Hevrøy har med seg den eitt år yngre lagvenninna Nora Blindheim Nøss.

10 krestlagsspelarar frå Osbygda

I uttaka som har vore dei siste vekene er det spelarar frå Os på alle årstrinn, men ikkje begge kjønn på alle årstrinn.

I alt er det 10 spelarar frå Os representert, 6 jenter og 4 gutar, fordelt på tre årstrinn.

Éin av dei speler for Fyllingsdalen, to jenter er frå Nore Neset, resten er frå Os Fotball:

2004, gutar: Leif Simen Mjånes (Os)

2004, jenter: Anna Rød (Os), Karoline Louise Hevrøy (Os) og Nora Blindheim Nøss (Os, fødd i 2005)

2003, gutar: 0

2003, jenter: Malin Ludvigsen (Nore Neset) og Thale Strønen Skeie (Nore Neset)

2002, gutar: Elias Myrlid (Os), Mats Torp Nielsen (Os) og Knut Jordal (Fyllingsdalen)

2002, jenter: Vilde Drange Veglo (Os). I tillegg er Madelen Koldal Holme frå same årgang, som nyleg gjekk frå Lysekloster til Sandviken, på landslaget.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.