Leiken epletjuv
SJÅ VIDEO: Forsøk på å skremma hjorten vekk frå epletrea enda med at bukken leika med pinnane som blei kasta.
Kjetil Vasby Bruarøy
Ein hjort er ivrig i frukthagane på Lekven for tida. Måndag var Agathe og Lauritz Lekven på besøk hos besteforeldra, og då dei prøvde å jaga hjorten vekk frå epla og morellene blei det leik i staden.
– Først såg vi på hjorten ei stund, det var veldig kjekt. Men så ville dei vaksne jaga den vekk, men den var ikkje redd, fortel Lauritz.
Sjå video nedst i artikkelen. Foto: Lauritz Lekven.
Ei hjortefløyte kjøpt i USA blei brukt, ei fløyte du kan stilla på ulike lydar (den høyrer du i videosnutten). Det blei tuta med hornet i bilen. Bukken reagerte ikkje.
– Vi kasta nokre pinnar, ikkje for å treffa den, men ved sidan av, for å skremma den. Men hjorten plukka pinnane opp som ein hund, kasta pinnane frå seg og henta dei igjen, fortel Lauritz Lekven om den leikne hjorten.