Leiken opning på Lysekloster
Bildeserie: Ordførar Marie Bruarøy (H) ville ikkje berre stå for den offisielle opning, men også teste det nye nærmiljøanlegget på Lysekloster barneskule.
Bildeserie:
På berre to månader har Lysekloster Barneskule fått oppgradert uteområdet med nytt leike- og klatreanlegg, disser, leikehus og ballbinge.
– Vi er både imponert og takksame over den jobben prosjektavdelinga og teknisk eining har gjort for oss, fortalde rektor Ole Lars Strønen til Midtsiden i forkant av den offisielle opninga.
– Vi skal ta vare på det
Takka vera tilbakebetalte og overskytande tippemidlar frå andre prosjekt i kommunen har skulen fått oppgradert uteområdet.
– Det har blitt kjempefint. Her kan vi leika og vera saman både i skuletida og på fritida, men vi må saman ta vare på det. Vi får òg nokre nye bosspann, bruk dei!, formana Kristian Søviknes og Mathea Våge Fosså i elevrådet.
Viktig for nærmiljøanlegget
Ordførar Marie Bruarøy la i si helsing til elevane (og dei vaksne) på Lysekloster vekt på viktigheita av nærmiljøanlegget.
– Eg er glad for å høyra at de brukar det ikkje berre i skuletida, men òg på fritida. For det er viktig, at skuleplassen også blir ein samlingsplass kor ein kan ha det kjekt også når ein ikkje er på skulen.
– Det at vi no har fått eit så flott nærmiljøanlegg er viktig for alle dei som bur her ute. Skulen veks og veks. Det er ikkje så rart når ein ser kor flott plass Lysefjorden er å bu. No har vi bygd ny og større skule og fått eit knallfint uteområde.
– Bruk det, men gjer som Kristian og Mathea sa, ta vare på det. De kan alle vera litt politi og passe på at ingen øydelegg så har de eit anlegg som vil vara i mange år.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.