Leir for ungar med hund

Av: Christina Forstrønen Bruarøy
(Elev ved Os ungdomsskule, 8A, utplassert i arbeidslivet fredag 15. juni)

For første gong arrangerer Fjellanger Hundeskole ein sommarleir for born og unge med hund.

Sommarleiren er meint for ungar frå 8 til 15 år, saman med sin firbeinte ven, og kjem til å vara frå 8.30 til klokka 15 kvar dag heile veka etter at skuleferien har starta, altså frå 25. juni.

-Vi gleder oss veldig og er godt i gang med alle førebuingar, seier Silke Noll hos Fjellanger.

Delar av kurset er teori og øvingar utan hund, så då blir hundane plasserte i pensjonatet ved skulen.

– Frå torsdagen til fredagen kan dei som vil overnatta på hundeskulen. Då blir det leik og sosial stund utover kvelden.

Fredag etter lunsj skal leirdeltakarane laga show der alle viser ei øving som hunden har lært i løpet av veka. Då kan også familie og venar koma og sjå.

Les òg: Full guff i ny hall