Leiteaksjon etter sakna kvinne

Politiet har saman med HRS sett i verk redningsaksjon etter ei sakna kvinne.

– Kvinna er i byrjinga av 60-åra, seier operasjonsleiar Bjarte Rebnord i Vest politidistrikt klokka 13.37.

Politiet er interesserte i tips.

– Dersom publikum gjer observasjonar eller har tips kan dei kontakta politiet på 02800 eller, om det hastar, ringa 112.

Kvinna har kort grått hår og er sannsynlegvis iført mørk blå Parkas-jakke med refleksar nede og kvit stripete genser.

Ho har truleg dressjakke under, svarte bukser og svarte sko.

Kvinna er sist sett ved Amfi Os rundt klokka 12.00.

Klokka 17.49 kjem politiet med ein presisering:

– Den nevnte blå parkasen er ein Tide-uniform.