Harald Lekven sin Chevrolet lastebil frå 1951 blei kåra til «people's choice» under Os-treffet 2019. (Foto: Kjetil Vasby Bruarøy/privat)

Lekven sin lastebil blei høgdepunkt under Os-treffet

Sjå bildeserie og les om Lekven sitt forhold til amerikanske bilar.

image
image
image
image
image
image
image
image
image
image
image
image
image
image
Av: Kjetil Vasby Bruarøy

Måndag 2. pinsedag var det tid for Os-treffet igjen. I 2017 var det rekord med 102 amcars som deltok, i 2018 blei det ny rekord med 137.

I år var det nokr fleire med cabriolet som sat heime og venta på opphaldsvêr, men regnet heldt dessverre fram lengre enn kva som var meldt.

– Det blir ikkje ny rekord i år òg, men vi har tangert deltakarmengda frå 2017. 102 bilar på ein våt dag som denne er vi veldig nøgde med, seier president i Os Amcarklubb, Steinar Håland.

I tillegg til kiosk var det gocart med VR-briller som ungane kunne prøva. Publikum kunne følgja køyreturen på skjerm. Bilen var motorsportutøvar Emil Dahlberg Kjeilen (11) sin. Emil er aktiv gokartkøyrar og hadde pokalane sine utstilte.

Dobbel pris

Blant dei utstilte bilane var det fleire som trekte ekstra med merksemd, som Frode Rolland sin strøkne Ford frå 1928 og Harry Harbakk sin Chevrolet Camaro ZL 550.

– Den er frå 2010, men har nyleg kome til Noreg, fortel eigar.

Bilen kosta 34.000 dollar ny og er styla og trimma for 30.000 dollar.

Folkets favoritt

På tampen av utstillinga skulle publikum kåra beste bil.

Harald Lekven sin Chevrolet lastebil frå 1951 vann «people's choice»-prisen.

– Den blei registrert i Tønsberg i 1952, så den har gått i Noreg sidan den var ny. Bilen er heilt original, heller ikkje motor har vore skifta. Då eg såg at Knarvik hadde kjøpt denne sa eg at «den må eg ha», fortel Harald. Knarvik-en var einig.

– Du har hatt amerikansk pickup før, kor mange amcar har du hatt?

– Eg har aldri hatt noko anna enn amerikanske bilar registrert på meg. Men det har ikkje blitt så mange. Enkelte meiner at eg etterkvart bør selja nokre bilar, men eg blir så glad i dei. Du sel ikkje ungen din sjølv om du får ein til.

Gjorde inntrykk på feltpresten i Libanon

Den første amcaren Harald hadde var ein Ford frå 1951. Då han var FN-soldat i Libanon måtte kameraten Arne Thuen kjøpa bil for han.

– Arne sendte bilde av bilen, og eg hadde bildet hengande i vaktbua. Ein dag då feltpresten sto framfor oss fortalte han at dette hadde gjort inntrykk.

– Alle dei andre hadde visst bilde av kjærastane sine, mens i mi vaktbu hang det bilde av ein lastebil, humrar den pensjonerte politimannen.

Fleire saker