Lesarane sine bilde

Bildeserie:

1 av 10

I forkant av årets feiring inviterte Midtsiden.no som vanleg lesarane å senda oss bilde frå si feiring, anten dei feira i Os eller utanfor bygda.

Vi har fått fine svar og helsingar, med bilde frå 17. maifeiringa i Lysefjorden, Nore Neset, New Zealand, på båt i Indonesia og frå feiringa om bord på tre plattformer i Nordsjøen.

- Sender eit bilde frå 132 gradar aust og 8 gradar sør, nærmare bestemt Sumlakki i Indonesia.Feiringa her blei litt amputert då eg er den einaste nordmannen om bord i Beaufort Explorer, skriv Ole Møller.

- Å gå i tog åleine er ikkje det same som å vera heime i Øyane, men med temperaturar opp imot 30 gradar har eg det i alle fall varmt nok, held han fram.

I New Zealand er det haust og ikkje like varmt, men Marte Engelsen fortel om ei fin og tradisjonsrik feiring langt vekke frå heimbygda.

- Eg er for tida student ved Waikato University i Hamilton, New Zealand. Her blei Noregs nasjonaldag feira med brunost, rømmegraut, is, hotdog, 17.mai-leikar og tog gjennom campus, fortel ho.

På Oseberg, Statfjord A og Statfjord B ser det også ut som om feiringa har vore minst like spennande som heime.

Takk til alle som har sendt oss bilde og nokre ord om feiringa deira!