Emil var med og drog teina med kjempehummaren i. Veslesøstra Mia i bakgrunnen. (Foto: Kjetil Vasby Bruarøy)

Leverte kjempehummar til Akvariet

– Den største vi har hatt sidan Noregs største døydde i 1991, seier Even B. Skåtøy frå Akvariet i Bergen.

image
image
image
image
image
image
Av: Kjetil Vasby Bruarøy

– Det gjekk litt tid før vi forsto kva det var, seier ein av fiskarane etter fangsten i helga.

Ein mann frå Øyane har saman med ein hytteeigar i området sett fisketeiner i Korsfjorden den siste tida. Dei hadde ungane med seg då dei trekte teina med kjempefangsten i.

Ein hann-hummar på 4,6 kilo og 47 cm lengde låg i teina.

Fisketeina sto på rundt 55 meters djupne då hummaren gjekk i.

– Vi kunne ha kasta den ut igjen, men kontakta Akvariet i Bergen, som var interessert i fangsten.

Fiskarane ønskjer å vera anonyme, men både ungane og klassekameratar fekk vera med då hummaren skulle hentast i ein lokal dam og leverast til Even Skåtøy, som jobbar i Akvariet i Bergen.

– Den største hummaren på 28 år

Akvariet i Bergen, som i dag hadde pressekonferanse i samband med storstilte framtidsplanar, set stor pris på at dei får hummaren.

– Dette er den største hummaren vi har hatt i Akvariet i Bergen sidan Noregs største hummar budde her. Den døydde i 1991.

Noregs største vog 7,5 kilo (54 cm) og var tatt på garn i Anglersundet to år i forvegen. 

– I dag har vi to humrar, begge er mellom 1 og 2 kilo. Det er mange år sidan vi har hatt stor hummar i utstillinga vår, denne får sitt eige akvarie og vil nok bli ein attraksjon, seier Skåtøy.

• Les òg: Osingar gav blekksprut i gåve (2011)

– Vi set stor pris på rause gåver som dette. Sjølv om det er utanfor fiskesesong så har vi lov å ta imot fangsten. No får den leva vidare, og mange kan ha glede av å sjå den.

• Ekstern lenkje: Risør Akvarium fekk i fjor ein hummar på 5,2 kilo og 80 cm lengde.

Fleire saker