Næringsliv | 23. mai 2018

Lilleballong legg ned

Ballongbutikken Lilleballong ser seg nøydd til å melde oppbod.

Lilleballong legg ned
Porten til Lilleballong i Torggata er stengd (foto: Andris Hamre)
Andris Hamreonsdag 23. mai 2018 07:55

I ei melding på facebook onsdag morgon fortalde Lilleballong at dei har sett seg nøydd til å melde oppbod for butikken.

Bakgrunnen for oppbodet er den stormen som har vore rundt plast og helium i ballongbransjen denne våren.

– Etter nokre "søvnige" vintermånader (som et pleier å vera) såg vi fram til våren. Men våren blei ikkje som den har vore før. Vi i ballongverden opplevde/opplever ein storm av plast- og heliumshysteri rundt ballongane, med det resultatet at dette har påverka mange av våre kundar, både private og bedrifter som ikkje vil bruke ballongar lengre, heiter det i meldinga dei la ut.

Dei presiserer at ved riktig bruk (vekt som gjer at ballongane ikkje flyg avgarde) er ikkje ballongar miljøfiendleg. Dei har òg fått dokumentert at det ikkje er fare for noko heliumsmangel og at gassen som nyttast er restgass som ikkje kan nyttast i MR-maskiner.

Fire fine år

Olaug Gjelsvik og Henning Heimdal, som har stått bak Lilleballong, skriv om fire fine år etter at dei starta butikken i Elvebakken i 2014.

– Det har vore nokre fantastisk gøye og lærerrike fire år, med flotte kundar som har gitt oss mykje.

– Mange utfordrande oppdrag som har satt kreativiteten vår på prøve har vi også hatt. Takk til kvar og éin av dokke, helser dei i meldinga.

– Vi er ballongmenneskjer

Henning Heimdal fortel at det blei for tøft å driva ballongbutikken.

– Den siste månaden har omsetninga halvert seg. Som styreleiar måtte eg ta affære. Det er frykteleg trasig for i år har vore det første året vi har tent penger i byrjinga av året før det stupte.

– Dette er ei bransje vi brenn for og vi kjem til å halde fram, men i ei anna form. Vi er ballongmenneskjer og det vil vi alltid vera.

– Vi har fått låne det viktigaste utstyret frå ein samarbeidspartner slik at vi kan sette opp ein ballongverkstad heime i løo. Det gjer at vi vil levere til alle som har bestilt hos oss før vi no avslutter butikken. Det er berre å ta kontakt med oss om det er noko ein treng, avslutter Henning Heimdal.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.