Kunsthistorikar Ingebjørg Astrup og kunstnar Line S. Hvoslef saman før vernissasjen i morgon.
Kunsthistorikar Ingebjørg Astrup og kunstnar Line S. Hvoslef saman før vernissasjen i morgon.

Line S. Hvoslef stiller ut på Vedholmen Galleri

Laurdag er det vernissasje med tale ved Ingebjørg Astrup og musikk ved Volve Vokal.

Kjetil Vasby Bruarøy
31. januar 2020 - 9:17

Vedholmen Galleri fyller 20 år i år, og opnar i morgon separatutstillinga «Etterlandskap - fabuleringer i ukjent landskap» med maleri av Line S. Hvoslef.

– Vi er veldig glade for å ha Hvoslef tilbake, når vi no set i gang vår 20. sesong, seier galleristar og kunstnarar Vibeke Harild og Peter Marron.

– «Etterlandskap» kan få deg til å undra, er det inspirert av andre galaksar eller livet under vatn? Utstillinga er forførande og leiken og består av eit stort fargeunivers av sanseinntrykk.

Talar for dagen er kunsthistorikar og Ingebjørg Astrup frå Os.

Ho har ei lang karriere innan formidling av profesjonell kunst, både som kultursjef i Os, kultursjef i Hordaland fylke, prosjektleiar i kulturseksjonen under OL på Lillehammer i 1994 og som programkoordinator i «Bergen Kulturby».

– Ingebjørg har følgt oss alle desse 20 åra, og vi er takksame for at ho deltar på vernissasjen.

Line S. Hvoslef.
Line S. Hvoslef. 

Hvoslef har ei lang rekkje utstillingar, utsmykkingar og stipend bak seg, og er ein av Vestlandets mest aktive og anerkjente biletkunstnarar.

Ho driv det internasjonale kunstsenteret «Tare & Steigen AIR i Nord-Noreg og er involvert i fleire internasjonale prosjekt. Til hausten reiser hos til Berlin for å jobba med eit prosjekt innan video og scenografi i samarbeid med komponist Mansoor Hosseini og det bergenske koret Volve Vokal.

Fire songarar frå Volve Vokal kjem og syng under vernissagen.

Hvoslef skriv dette om utstillinga «Etterlandskap - fabuleringer i ukjent landskap»:

Det handler om et malerisk fabulerende billedspråk i skjæringspunktet mellom det figurative og det nonfigurative.

Bildene er lagvis bygget opp i tynne sjikt med olje på lerret og videre bearbeidet med tusj. Landskapene er øde, men med spor av menneskers tilstedeværelse.

Organiske og maskin-liknende bildeelementer danner uutgrunnelige møter mellom natur og teknologi, ofte med klare surrealistiske undertoner. Det handler om øde, «umulige» landskap fra drømmenes verden, men også slik jeg kan oppleve dem i urørt natur. 

Forlatte landskap der naturen strever med å gjenopprette sin form og orden.

Line S. Hvoslef.
Utsnitt. Maleri av Line S. Hvoslef. 

Hvoslef er utdanna ved Vestlandets Kunstakademi (Kunsthøyskolen i Bergen) 1985-1992 og Exeter College of art and design, England 1989. 

Ho har sjølv undervist i 11 år i visuelle kunstfag ved Bergen Kulturskole. 

Under følgjer lister over innkjøp og utsmykkingar.

OFFENTLEGE KJØP
Kunst på arbeidsplassen 2019
Tromsø Kommune 2019
Bergen Kommune 2010
Nord-Trøndelag Fylkesgalleri 2007
Havforskningsinstituttet, Havbruksstasjonen i Matre 2007
Statens Hus, Fylkesmannen i Hordaland 2005
Hordaland Fylkeskommune 2003
Havforskningsinstituttet, G.O.Sars 2003
Bergen Kommune 2002
Norsk kulturråd 1992

UTSMYKKING
Fjell lokal medisinske senter, vegg maleri 2018
Marie Joys Hus, objekter i tre, stål og plexi 2018
Marie Joys Hus, Haukeland universitets sykehus,
 veggmaleri med lydgivere 2018
Grieg gården Grieg Foundation, maleri 2016
Nye Voss Videregående skole, lydvegg 2016
Vålandshaugen Barnehage, Stavanger, utendørs silicat maleri på betong,
Innendørs veggmaleri med lydgivere 2016
Bergen Kulturskole, fire etagers trappegang, veggmaleri 2012
Apeltun skole, Bergen, veggmaleri 2007
Havforskningsinnstituttet, Havbruksstasjonen i Matre, maleri 2007
Mjølkeråen skole, Bergen, utendørs veggmaleri 2006
Bergen Kulturskole, inngangsparti, veggmaleri 2004
Odinsvei bosenter, Bergen, maleri 2001
Haukeland sykehus, Bergen, maleri 1999
Bergen passkontor, maleri 1994
Gjensidige Vest, Bergen, maleri 1994

Line S. Hvoslef.
Line S. Hvoslef. 

 

Les meir om

Kultur