Linn Beate Riley. (Pressefoto)

Linn Beate på topp 10 i Brun og Blid

Laurdag 2. juni kan modellen frå Lysefjorden vinna 500.000 kroner.

Av: Kjetil Vasby Bruarøy

Linn Beate Riley (26) frå Lysefjorden, som dei siste åra har vore aktiv med sitt eige byrå, Riley 6, er i finalen i årets modellkonkurranse i Brun og Blid.

– Det blei ein spennande innspurt, det var veldig gøy å nå topp 10, seier Linn Beate.

1. mai blei ho blant 20 deltakarar i semifinalen, på bakgrunn av stemmer, 3. mai sikra ho seg ein av dei ti plassane i finalen.

– Det var høg aktivitet dei 48 timane, tusen takk til alle som stemte på meg!

Laurdag 2. juni er det finale på Scandic Ørnen i Bergen. Då er det ein jury som skal kåra ein vinnar blant 3 menn og 7 kvinner.

På fjerde forsøk

Solsenterkjeden Brun og Blid kallar modellkonkurransen for Noregs største.

Alle over 18 år kan delta, uavhengig av kjønn, erfaring, vekt og alder, og kvar månad blir 20 kandidatar valt ut og lagt fram for at avstemming skal senda éin av dei vidare til semifinale.

– Fjorårsvinnar deltok for tredje gong, Linn Beate tok seg til finale på fjerde forsøk, fortel arrangør Haakon B. Schrøder.

Linn Beate har pryda forsida på både Vi Menn, FHM og Gatebil før ho vinteren gjorde noko ho lenge har hatt plan om, starta eige modellbyrå.

• Les òg: Spanderte fotoshoot på Riley 6

– Riley 6 er framleis aktiv. Eit av dei siste oppdraga var då Bergen Storsenter fylte 30 år. Det var eit kjekt oppdrag der vi både tok imot gjestane og dansa med Atle Pettersen (2. plass i X-factor og vinnar av Skal vi danse).

Stor premie

Til konkurransen måtte deltakarane senda inn både portrett og bikinibilde (gutane slapp unna med bilde i shorts).

brunogblidmodell.no kan du sjå profilane til dei 10 finalistane.

Vinnaren av finalen 2. juni blir frontfigur for solsenterkjeda Brun og Blid det komande året, eit oppdrag som blir honorert med inntil 500.000 kroner.

Linn Beate, som er lidenskapeleg opptatt av hest og hund, veit kva noko av pengane skal gå til om ho vinn.

– Då vil eg ta hengarlappen.

Den som kjem på 2. plass og 3. plass får 10.000 og 5000 kroner.

Fleire saker

  • Fekk mykje å jubla over

    22. juli 2018

    Lysekloster starta svakt mot Stord, men så slo den etterkvart berømte ketsjupeffekten inn.

  • Gøymde seg på taket

    22. juli 2018

    Oppdatert: To menn i 20-åra tok seg opp på taket på Hamnechefen. Den eine prøvde å gøyma seg for politiet då dei kom. Eigaren fann narkotika.

  • Tre har mista lappen på kort tid

    22. juli 2018

    Torsdag tok politiet for tredje gang på kort tid beslag i eit førarkort ved den nye Spar-butikken på Kloppamyra.

  • Tok skilta til gjengangar

    21. juli 2018

    Politiet klipte skilta på ein bil i Hegglandsdalen laurdag då føraren fleire ganger hadde køyrd utan lov.

  • Her blir podtellet levert

    21. juli 2018

    Bildeserie: No kan du overnatte i hamna uten å bli sjøsjuk av bølgene. – Eg reknar med at vi opnar måndag, seier Hans Parnefält.

  • Villaksen har «stempla inn» i fjorden

    21. juli 2018

    Lyttebøyar i fjorden avslører smolten frå Oselvo si vandring. 

  • Tørke, mattryggleik og jordvern

    21. juli 2018

    Lesarinnlegg: Tørkekrisa viser til fulle kvifor det er viktig å verna om matjorda vår, skriv Gisle Hesjedal.

  • – Blei dårleg då eg såg det

    20. juli 2018

    Kommunen ber foreldre og "nabokjerringa" halde auge med og sjekke leikeplassen før dei sender ungane dit.