– Litteratur med uvurderleg innsikt

I ei pressemelding frå Forsvaret kan vi lesa at medaljen er Forsvarets synlege anerkjenning av Arnfinn Hagas omfangsrike forfatterskap knyttet til Forsvarets krigshistorie.

Den no 82 år gamle Haga fekk utdelt medaljen på Haakonsvern Orlogsstasjon, av Sjef Sjøforsvaret, kontreadmiral Nils Andreas Stensønes, på vegne av Forsvarssjefen. Familie og vener av krigsforfatteren var også tilstades under tildelinga.

– Litteratur med uvurderlig innsikt

Tildeling vart begrunna med skryt og audmjukheit av kontreadmiralen;

- Hagas litteratur har uvurderlig innsikt i viktige delar av andre verdsskrig – historier om hendingar og menneske som lett kunne gått tapt. Hagas publikasjonar om krigsåra er svært solide skildringar av den norske motstandskampen, sa kontreadmiral, Nils Andreas Stensønes.

Haga takka - med historier

Arnfinn Haga takka for medaljen og fortalte fleire spanande historier. Det var også ekstra spesielt for Haga, at det var Sjøforsvaret som delte ut prisen;

 -Denne medaljen set eg stor pris på. Særleg er det ekstra spesielt at Sjøforsvaret deler den ut. Eg er oppvaksen på Stord saman med sjøfolk. Eg har også sjølv tenestegjort i Marinen som signalgast da eg var yngre.

Interessa kom som 7-åring 

Haga har sjølv fleire minne frå okkupasjonskrigen og fortalde at det er der den store interessen for krigshistorie kjem frå; 

- Eg var guttunge under okkupasjonen av Norge. Eg kan hugsa dei tyske soldatane, og det var vel rundt desse tidene eg fikk stor interesse for det. Eg hugser spesielt ei hending som gjorde meg interessert. Då eg var 7 år var det eit kommandoangrep på Stord. Dett var ei natt i 1943 då skotske og norske kommandoer gikk i land på Stord. Eg hugsar dei sprang rett framfor huset vårt. Denne hendinga festa seg verkeleg i meg, og eg vart då særs interessert i kva som eigentleg gjekk føre seg.