Lokal | 14. mars 2018

– «Livskvalitet» redda livet mitt

Sterkt vitnesbyrd i tenesteutvalet. Deltakar i «Livskvalitet» fortalde om vegen frå overdoser til ein normal kvardag.

Tenesteutvalet fekk ei sterk skildring av resultatet av prosjektet «Livskvalitet» (foto: Andris Hamre)
Andris Hamreonsdag 14. mars 2018 09:39

Tårane trilla hos politikarane og dei andre tilhøyrarane då dei fekk høyre vitnesbyrdet frå ein av deltakarane på Vartun sitt prosjekt «Livskvalitet». Bakgrunnen for det sterke møtet var at prosjektet har gått frå å vera delvis statleg finansiert til å bli eit prosjekt meir finansiert av kommunen.

– I dag har vi to 50% stillinger og ei 100% stilling som har gått frå statleg finansiering til kommunal finansiering. I tillegg har vi framleis ei 100% og ei 60% statleg finansiert stilling. Vi er veldig glade for at vi har kunne helde fram med prosjektet med kommunal finansering, innleia Arve Frostad, avdelingsleiar ved Vartun.

Begynte med piller som tolvåring

Frostad hadde fått med seg ein av brukarane i prosjektet.

– Eg hadde ein oppvekst prega av alkohol, psykisk og fysisk vald. Barnevernet var inne frå fødselen av og eg blei tvangsplassert som 15-åring.

– Då hadde eg brukt piller i tre år og rusa meg på rivotril, amfetamin og extasy. Som seksten åring byrja eg med heroin.

Fleire overdoser

Rusmisbruket auka i åra som kom og deltakarane havna i ei periode på rusakutten tre til fem ganger i veka over fleire månader.

– Eg blei tvangsinnlagt, først på Tertnes, men eg rømte og tok fleire overdoser. Eg blei på nytt tvangsinnlagt og overført til Sandviken, men rusinga held fram med nye overdoser. Til slutt blei eg skriven ut for eg hadde ikkje ein alvorleg sinnslidelse.

– Det var fullstendig kaos og eg var gitt opp av alle.

Ville prøve LAR

I den fasen var det fleire som freista å få brukaren over på LAR, men motivasjonen var ikkje allverden før det snudde.

– I august 2016 ville eg gje LAR eit forsøk. Eg hadde ikkje mål om å bli rusfri, men få ein stabil kvardag. Det var då eg blei introdusert for «Livskvalitet».

– Redda livet mitt

Det å komma inn i prosjektet redda livet.

– No har eg vore rusfri i 19 månader. Sjølve avrusinga er enkel, men korleis leve vidare er det som er det vanskelege.

– Med «Livskvalitet» fekk eg noko å gå til. Eg fekk eit sosialt miljø og opplevinga av å vera ønska. Det var nokon som venta på meg og følgde meg opp. Det gir håp at nokon gir tillit for det kan virke uoverkommeleg. Difor trengte eg hjelp til å meistre kvardagen.

– I dag har eg fått hjelp til å ta tak i utfodringane. Eg har blitt utreda på Solli, eg er gjeldfri, fått traumebehandlng og har fått ein normal kvardag.

– Eg overlevde! «Livskvalitet» har betydd alt for meg. Eg hadde ikkje vore her i dag uten. «Livskvalitet» gav meg håp og tro.

– Dette trengte vi

Rørte politikarar takka for ein ærleg og open skildring.

– Det var utruleg modig gjort av deg å dele historia di med oss. Det er veldig kjekt å sjå at det har gått bra med deg, innleia leiar Emil Tetlie Brimsholm (H).

– Det er fantastisk å sjå at det som for oss er eit prosjekt har resultat heilt ut til dei som har behov for desse tenestene. Eg trur vi hadde brukt for å sjå det noken og ein kvar. Dette trengte vi, oppsummerte Eirik André Hesthamar (Frp) til støtte frå dei andre rundt bordet.

– Dette viser kor utruleg viktig denne type prosjekt er. Det er heilt rett at det er viktig samfunnsøkonomisk, men viktigare er livskvaliteten. Dette må vi aldri slutte med, supplerte Gisle Hesjedal (Ap).

Spennande? Vil du ha ukas høgdepunkt i innboksen?

Les meir om

Tilbod i november

Tilgang til alt innhald i 3 månadar for kun kr 300,-

Di støtte gir liv til lokalavisa vår.

  • Kun kr 300,- i 3 månadar
  • Tilgang til alt innhald
  • Utan bindingstid
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.