Luftig helg på Ulven

Modellfly, motorfly, seglfly og fallskjerm, Os Aeroklubb vil i helga fylla luftrommet i Os med alt som kan fly.

Kjetil Vasby Bruarøytorsdag 20. mai 2010 19:34

Os Aeroklubb har invitert alt som kan fly til Fly-in i på Ulven i pinsehelga.

- Det er ikkje eit flystemne, men det blir nok minst like underhaldande, seier flygesjef Tore Øvreeide til Midtsiden.no.

Frå gamalt til nytt, frå lite til litt stort kjem til Os for å visa seg fram.

- Publikum kjem gratis inn på området, og vi har målsetnad om å få alle som vil ein runde i lufta.

I 400 km/t
Det er venta fleire typar fly til Os laurdag og sundag. Også nokre litt spesielle.

- Det kjem blant anna mikrofly og modellfly, og modelljet, eit fjernstyrt fly som går i over 400 km/t, fortel Tore.

Håper på sol
Laurdag og sundag, frå klokka 12 til rundt klokka 18, vil klubben laga liv med oppvising, konkurransar og utstilling av flya. Arrangørane serverer både frukost, grillmat og litt å drikke til flyinteresserte gjestar.

- Tidlegare gongar vi har arrangert dette har vi vore litt uheldige med vêret. I år ser det meir lovande ut, i alle fall om sundagen, men det blir flyging også om det regnar, forsikrar Øvreeide.

Sjå vêrmelding for Osøyro