Luftig opprykkskamp

Bildeserie:

1 av 8

Dei leia allereie med 9 poeng på 2. plassen, men fredagens motstandar, NHH 3, hadde to hengekampar og kunne i teorien gått forbi Nore Neset i serieinnspurten.

Heimelaget kunne, med sin sterke målforskjell, klart seg med eitt poeng i kveld, men tok alle tre. Dermed har det vore to opprykk på eitt døgn, etter at Søfteland torsdag kveld blei klar for opprykk til 5. divisjon.

Nore Neset - NHH 3 6-2 (4-2)
Målskårarar, Nore Neset: Alexander Thuen 2, Emilis Zilinskas, Ørjan Hellesnes, Anders Kinden og Remy Snilstveit
Nore Neset: Henrik Sandtorv, Paul-Kristian Haldorsen, Ruben Grindevoll, Audun Røren, Andrew Lukey, Frode Buvik, Ørjan Hellesnes, Børge Solberg, Remy Snilstveit, Ivar Bøthun, Svein Erik Øvreeide, Anders Kinden, Aleksander Lindkvist, Emilis Zilinskas, Remy Nybøe og Alexander Thuen.
Sjå tabell

– Det var godt å sikra opprykket allereie no, neste kamp er ikkje før 10. oktober, seier kaptein Frode Buvik.

I fjor spelte han på Søre Neset, som var nær opprykk og comeback i 5. divisjon. Den komande samanslåinga med Nore Neset gjorde at nettopp Nore Neset ikkje kunne rykka opp til 6. divisjon etter førre sesong, dermed blei dei ståande i 6. og 7. i 2015.

Blei innhenta

Heimelaget tok leiinga då Zilinskas, som gjekk til Nore Neset frå Os i vår, heada inn 1-0. Gjestane utlikna på eit fint langskot.

Så sette Alexander Thuen inn 2-1 med venstrefoten før Ørjan Hellesnes på ei blanding av mottak og skot, i lufta, auka til 3-1.

Gjestane reduserte, men Thuen, som har skåra 15 mål på seks kampar i haust, auka til 4-2 før pause.

Stabil haust

– Det var godt å få Thuen inn då Lunde forsvann tilbake til Os i sommar. Stian skåra omtrent halvparten av måla våre i vårsesongen, i haust har Alexander som vanleg vore effektiv, seier Buvik.

Kapteinen er også glad for at Kinden og Lindkvist kom til Nore Neset frå Os.

– Vi har fått ein meir stabil haust enn kva våren var. Vi er ei god gruppe, førstelaget og andrelaget, no håper vi på opprykk også for 7. divisjonslaget.