Sport | 11. mars 2019

Luftig, portugisisk keeperskule på Lysekloster

17 keeperar frå 10 klubbar har i helga blitt undervist av keepertrenar frå Sporting Lisboa.

Luftig, portugisisk keeperskule på Lysekloster
Modige keeperar har kasta seg rundt på graset til Lysekloster i helga. Her er yngstemann Karol (9) i ferd med å bli matchvinnar. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøymåndag 11. mars 2019 09:52

Bildeserie:

Miguel Miranda frå Sporting Lisboa er vant med å trena både born og vaksne. (Foto: KVB)
Miguel Miranda frå Sporting Lisboa er vant med å trena både born og vaksne. (Foto: KVB)
Med-trenar Bartosz frå SK Brann. (Foto: KVB)
Med-trenar Bartosz frå SK Brann. (Foto: KVB)
1 vs 1. (Foto: KVB)
1 vs 1. (Foto: KVB)
Skotstopping var del av programmet, men ikkje alt. (Foto: KVB)
Skotstopping var del av programmet, men ikkje alt. (Foto: KVB)
Oskar og Henrik frå Lyngbø var strålande nøgde med keeperskulen. (Foto: KVB)
Oskar og Henrik frå Lyngbø var strålande nøgde med keeperskulen. (Foto: KVB)
Timing og rett avgjerd er avgjerande. (Foto: KVB)
Timing og rett avgjerd er avgjerande. (Foto: KVB)
16 gutar og éi jente deltok på keeperskulen. (Foto: KVB)
16 gutar og éi jente deltok på keeperskulen. (Foto: KVB)
Spelarutviklar i Lysekloster, Jacob Nielsen. (Foto: KVB)
Spelarutviklar i Lysekloster, Jacob Nielsen. (Foto: KVB)
Analytiker Henrik Sandtorv. (Foto: KVB)
Analytiker Henrik Sandtorv. (Foto: KVB)
Å redda med hovudet. (Foto: KVB)
Å redda med hovudet. (Foto: KVB)
Dette var Miguel Miranda sitt første besøk i Noreg. (Foto: KVB)
Dette var Miguel Miranda sitt første besøk i Noreg. (Foto: KVB)
Magnus, Tobias og Ivan. (Foto: KVB)
Magnus, Tobias og Ivan. (Foto: KVB)
Ole Andreas i støtet. (Foto: KVB)
Ole Andreas i støtet. (Foto: KVB)
Full innsats. (Foto: KVB)
Full innsats. (Foto: KVB)
Skulen blei avslutta med konkurranse. (Foto: KVB)
Skulen blei avslutta med konkurranse. (Foto: KVB)
Dei modige atletane kvidde seg ikkje for å kasta seg etter ballen. (Foto: KVB)
Dei modige atletane kvidde seg ikkje for å kasta seg etter ballen. (Foto: KVB)
Årets keeperskule. (Foto: Lysekloster il)
Årets keeperskule. (Foto: Lysekloster il)
1 av 17

Miguel Miranda frå Sporting CP i Lisboa hadde med seg Brann sin keepertrenar, Bartosz Deregowski som hjelpeinstruktør då han i helga underviste 17 keeperar frå 9 til 18 år gamle.

– Vi trengte 10 deltakarar for å gjennomføra dette. At det kom 17 er heilt supert, seier fotballanalytiker Henrik Sandtorv og spelarutviklar Jacob Nielsen frå Lysekloster il.

Deltakarane, 16 gutar og ei jente, er frå klubbar i Os og bergensområdet. Dei fekk systematisk trening over to økter for dagen laurdag og søndag, med sponsa måltid frå Lerøy i pausane.

Atletisk og stabil

Miguel Miranda er «Head of goalkeeping Sporting CP» og deltar på ulike akademi. Jan Oblak (Atletico Madrid), Ederson (Man City) skal vera blant dei han har undervist.

– God teknikk er berre eit verktøy, eg jobbar med å utdanna keeperar som tar gode avgjerder så dei kan prestera i kamp. Om dei blir observante på ulike «trigger point», at dei veit kva dei skal sjå etter i ein kamp, så hjelper det keeperen å ta rett avgjerd på kort tid, seier Miguel til Midtsiden etter siste økt søndag.

Etter sitt første besøk i Noreg er han overraska over nivået.

– Dei norske ungdomane eg har trent i helga er imponerande atletiske, og samtidig disiplinerte og mentalt stabile. Dette er heilt i tråd med profilen på ein god keeper.

Små tips av stor betydning

Laurdag blei det øvd på skotstopping, innlegg og igangsetjing av spelet, søndag sto spel med beina i fokus. Både dei unge og eldre deltakarane ytra stor begeistring for Miguel si undervising.

– Vi har lært mykje, frå å redda med supermannheading til å få god punch, og vi har det veldig gøy! Dette er verdas beste keeperskule, seier 12-åringane Oskar og Henrik frå Lyngbø il.

Dei eldre ungdomane, Magnus Eidsvåg frå Lysekloster, Tobias Takvam frå Fana og Ivan Muratovic frå Osterøy, har sans for både arbeidet på feltet og foredragra dei har fått i pausane.

– Eg liker metoden, måten øktene er bygd opp på, frå teknikk til motstand og meir kamplike situasjonar, seier Takvam.

– Samtidig kjem han med mange konkrete råd, som høyres ut som eit lite tips, men som du fort merker kan vera «gamechanging» når du få testa dei i ein reell situasjon.

Modige tigersprang

Sandtorv, som sjølv har vore keeper, seier det er første gong han har sett stupheading har vore del av programmet på ein keeperskule.

– Men eg ser at det er med på å skapa både mot og stemning.

Keeperskulen blei avslutta med ein konkurranse der to lag kunne slå kvarandre ut ved å redda forsøk eller skåra på skot eller heading. I første av tre rundar blei yngstemann Karol (9) matchvinnar med skåring på både skot og stupheading.

Spennande? Vil du ha ukas høgdepunkt i innboksen?

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.