Lysekloster nøgd med éin av omgangane mot Sotra

Laurdag spelte Lysekloster treningskamp borte mot Sotra i Sotrahallen. Sotra kom på 9. plass i si 2. divisjonsavdeling i fjor.

Lysekloster starta med eit overtak, men klarte ikkje å skåra før pause.

– Vi hadde to sjansar på ope mål, og vi hadde retur frå skot som vi burde ha skåra på, synest Lysekloster-trenar Ruben Hetlevik.

– Eg er vedig nøgd med første omgang. Vi lykkast både offensivt og defensivt, og dominerte kampen såpass at Sotra la om formasjonen. Vi fekk dessverre litt problem med å omstilla oss til deira mottiltak utover i andre omgang. Vi prøvde mykje éin og éin, og mista strukturen vår.

Heimelaget gjekk opp i 2-0 før Lysekloster reduserte.

Sotra - Lysekloster 2-1 (0-0)

Lysekloster: Joaquin Ketlun (keeper), Ronny Rojas, Peter Aase, Stefan Aase, Tobias Heltne Alme, Håkon Brautaset, Thorvald Trætteberg, Marius Bildøy, Audun Kåre Øvrelid, Johan Stormyr og Simen Næss.

Innbytarar (alle fekk speletid utanom reservekeeper): Jakob Folkestad (keeper), Sebastian Aase, Kevin Berg, Ivan Moran, Eirik Jacobsen og Preben Skorpen.

I morgon reiser Lysekloster på treningsleir i Albir i Spania. Der har dei vore før.

– Vi gler oss veldig til å koma i varmen og trena, og å få mykje tid saman til både øving og til å bli betre kjent med nye spelarar, seier Hetlevik.