Må legga nytt gulv

I april blei Os kommune og konsulentselskapet COWI samde om eit forlik etter tvist knytt til arbeid konsulentane gjorde i samband med bygginga av Oseana kunst- og kultursenter.

No har kommunen inngått nytt forlik. Denne gongen med leverandørane av gulvet i Oseanasalen.

- Problemet har vore at gulvet har vore for mjukt og at det difor har svikta meir enn det skal når amfiet i Oseanasalen skal rullast ut og inn.

- Dette har av og til ført til at amfiet har kilt seg, forklarar leiar i byggjekomiteen Terje Søviknes.

Etter det Midtsiden kjenner til tek operasjonen med å trilla amfiet ut mellom to og tre timar kvar gong, om det ikkje kiler seg då...

Får gulvet dei bestilte

Kommunen har i si klage til entreprentøren hevda at dei ikkje har fått det gulvet som var spesifisert i bestillinga. Entreprenøren har ikkje innrømma noko, men har i forliket gått med på å legga eit anna gulv i den omlag 700 kvaderatmeter store salen.

- No får vi eit hardere gulv som er i tråd med bestillinga.

Må stenga salen

Feilen har ikkje vore til hinder for bruk av salen og dei planlagte framsyningane, som Eggum og Sivertsen, går som planlagt.

- Vi må stenga salen då jobben skal gjerast.

- Eg meiner å hugse at vi har funne eit tidsvindu i sluten av august kor det ikkje er planlagt arrangement i salen og kan få gjort jobben, fortel Søviknes.

Eittårsbefaring i juni

Det nærmar seg no eitt år sidan Oseana opna dørene for første gong. I midten av juni skal ein ta den obligatoriske eittårsbefaringa.

- Det er jo i høve slike tilfelle som dette ein har reklamasjonsperioda.

- Når det gjeld eittårsbefaringa reknar eg ikkje med at det dukkar opp andre vesentlige feil eller manglar under den. Nokre småting blir det nok, men dei store tinga, avsluttar Terje Søviknes.