– Må vera utsjånaden

Bone Shakers med låt i NRK si storsatsing "Øyevitne". – Vi har blitt eit TV-band. Det må vera utsjånaden dei går etter, ler Andreas Lindborg.

Bone Shakers-låta "Fire Fire" blir eindel av NRK satsinga "Øyevitne" (foto: Kjetil Vasby Bruarøy)
Andris Hamretirsdag 25. feb. 2014 10:23

I fjor plukka TV2 opp Bone Shakers-låta "Come and get it" som intro til Premier Leauge-sendingane.

No kjem låt nummer to frå EP-en deira som lydsport i NRK sin dramathriller "Øyevitne".

– Det er låta "Fire Fire" NRK vil bruka i serien. Vi er tydelegvis eit TV-band, for vi blir ikkje så mykje spelt på radio.

– Det må nok vera på grunn av utsjånaden, ler trommeslagar Andreas Lindborg.

Plukka frå urørt-lista

Låtane frå EP-en har dei mellom anna lagt ut på NRK Urørt.

– Heilt ut av det blå kom det ein epost med spørsmål om dei fekk lov til å bruka låta i den nye dramathrilleren.

– Slik eg har forstått det vil dei bruka 1:58 av låta i ei scene med nokre MC-folk.

– Det trur eg blir fett.

Meir PR enn pengar

Dramathrilleren har eit budsjett på 36 millionar kroner og skal gå over seks episodar på NRK til hausten.

– Planen var eigentleg at den skulle gå i vår, men slik eg skjøner det så har NRK og TV2 ei forståing seg imellom at om den eine kjem med ein norskprodusert dramaserie, så ventar den andre.

– Med eit så stort budsjett så blir det vel litt pengar på Bone Shakers og då?

– Litt penger i kassa blir det, men ikkje dei heilt store summane. Mest av alt blir det publisitet i det at vi når ut til folk som vi ellers ikkje hadde nådd ut til.

– Eg har fått inntrykk av at NRK er flinke til å nytta Urørt-artistar i produksjonane sine. Det er ei enorm hjelp til litt ukjende band, seier Lindborg.

Håpar på rulleteksten

"Fire fire" blei spilt inn i samband med utgivinga av EPen "Do it right".

– Dei nyttar lydsporet frå EP-en i serien.

– Så vi får ikkje sjå dykk i TV-ruta?

– Nei, vi har ikkje vore med i serien, men eg reknar med at vi kjem på rulleteksten.

– Mest av alt er det berre gøy at dei har spørt. Serien har allereie fått internasjonal merksemd, så kanskje opnar det seg nye marknader, avsluttar Andreas Lindborg som saman med resten av bandet snart går i studio for å spela inn debutalbumet dei vil ha ut til hausten.

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.