Premiere på «Prinsesse Slim» - Os barne- og ungdomsteater i Oseana 7. mai. (Foto: Lilly Grønvigh)

Maktkamp, kjærleik og slim

Os Barne-og ungdomsteater og Nore Neset teatergruppe presenterte tysdag eit heilt nytt teaterstykke om noko heilt spesielt og uventa; nemleg slim.

image
image
image
image
image
image
image
image
image
image
image
Av: Kjetil Osablod Grønvigh

Velkommen til Fossen Privatskole

Lyset i salen vert dempa, og plutseleg vert det spelt rock; nærmast som på ein konsert. Stykket er i gong, og skodeseplarane tek plass på scenen.

På kvar si side av scenen sit skodespelarane i grupper, med ein vegg som skil dei frå kvarandre.

Dette er Fossen privatskole; med eit stort, romsleg klasserom for dei rike som betaler for utdanning og gode karakterar- og eit knøttlite, skittent klasserom for dei andre.

«Det stinker her fordi melka er sur!», kjem det frå ein i det knøttlille klasserommet.

– Gud så kjedelig det er å være stokk dumme!

– Her er Noreg og Sverige, ikkje bry deg om dei. Og her er Søfteland, seier læraren og peikar mot kartet i klasserommet.

Hovudpersonen i stykket, Ellinor, er lei dårleg utdanning. Heldigvis tar dette ei total omvending etter at ho har lagt ut ein video av henne som lagar slim.

Takka væra hennar millionar av «views», får ho lov å ta utdanninga si i det beste klasserommet. Derimot byrjar ho å tvila på om det var ein god ide når ho får oppleva kor dumme dei populære, rike elevane er. Dei kan jo ikkje sju-gangen!

Rektoren byrjar også å laga eigne slime-videoer, i håp om at ho òg skal få millionar av «views» og bli meir kjent enn Ellinor.

Populærkultur med ein vri

Stykket er skrive av forfatteren Tor Arve Røssland, kjend for romanane «Svarte-Matilda» og «Glimt», og regissert av Frøydis Flotve.

Hanne Dahl er med i gruppe 2 hos Os Barne- og Ungdomsteater, og fortel til Midtsiden at ho har hjelpt til med å laga stykket siden hausten.

– Forestillinga gjekk kjempebra! Skodespelarane har faktisk funne på meir enn du trur, seier ho.

Hanne fortel at ho var med og splitta gruppa i mindre grupper, for å så hjelpa dei med å finna ut korleis ulike karakterar og scener skulle spelast. Deretter skulle dei visa det til kvarandre, og bestemma kva som skulle vera med i stykket.

Gruppene har verkeleg funne på masse gøy og komisk, og det er fleire referansar til dagens populærkultur som har snike seg inn i manus.

Rektor Fossen forsøker seg på ASMR, og årets TV-snakkis er «Kjendis-Tarmen», ein slags kombinasjon av «Kjendis-Farmen» og «Ex on The Beach», men med matallergiar involvert.

Os barne- og ungdomsteater og Nore Neset teatergruppe strålte på scenen, og fikk verkeleg vist kor lenge dei har jobba med stykket. God respons fra publikum var det også, med masse smil og latter.

Manus: Tor Arve Røssland
Regi: Frøydis Flotve

I rollene:
Os barne- og ungdomsteater:
Nora Tillung, Tora Skorpen Sundfjord, Ylva Sande Svortevik, Maren Austgulen, Vilde Austgulen, Kristina Sæthre Lekven, Kaja Sælen- Kongsvik, Vilde Prestnes Knapstad, Jenny Lygre Egeland, Lila Dahl, Markus Andre Kolstad, Henrik Hagevik Larsson, Marius Linden, Amalie Moldøen Håvik, Teodor Borge Riise, Aurora Isabell Sjøbø

Nore Neset teatergruppe:
Ida Nordtveit Hansen, Linnea Kalberg Glover, Tindra Marie Solheim, Mina Gaassand Tvedt, Ingvild Thorsnes Kvinge, Vivian Korneliussen Helle, Nicolas Sundøy, Sarah Bergo og Evelina Sommerova

Lilly Grønvigh, Midtsiden

Fleire saker