Samferdsle | 26. mai 2024

Mange får avbrutt ferien av biltrøbbel

Mange feriebilistar får ein ufrivillig stopp undervegs, viser tal frå bergingsbransjen.

Mange får avbrutt ferien av biltrøbbel
KJEDELIG BRÅSTOPP: Irriterande når trøbbel langs vegen medfører at bilen må tauast inn til eit verkstad for reparasjon. (Foto: Colourbox)
Susann Haukeland Børnes
Susann Haukeland Børnessundag 26. mai 2024 07:00

Behovet for veghjelp er høgt om sommaren, viser tal frå bergingsbransjen.

Det beste rådet for å unngå bråstopp og tapt ferietid er godt vedlikehald av bilen, meiner fagfolk.

– Den beste forsikringa mot vanskar langs vegen er å følgje bilens vedlikehaldsprogram. Viss det er ei stund sidan siste intervallservice, eller ved mistanke om at noko er gale, er det i tillegg lurt å bestilla ein eigen sjekk av alle viktige kontrollpunkt før feriestart, seier Gjermund Hjell, kjedeleiar i AutoMester.

Mange feriebilistar får ein ufrivillig stopp undervegs, viser tal frå bergingsbransjen.

– Juni, juli og august er gjerne ein særleg travel periode for oss. Litt avhengig av kor tøff vinteren har vore, blir sommaren ofte sesongtopp. I fjor løyste vi oppdrag for 55000 trafikkantar langs norske vegar i denne perioden, seier Svein Setrom, nordisk nettverksansvarleg i Viking Redningsteneste.

Selskapet tilbyr veghjelpstenester i Norge, Sverige, Danmark, Baltikum og Finland, og hjelper òg bilistar i heile Europa via eit nettverk av internasjonale partnarar.

Punktering og startvanskar

Punktering toppar lista over årsaker til behov for veghjelp i sommarmånadene, ifølgje nye tal frå Viking.

– Det er ikkje lenger så vanleg at bilar blir utstyrte med reservehjul. Mange syntest nok òg det var vanskeleg å bytte langs vegkanten. Stadig fleire modellar har i staden eit reparasjonssett, som gjer det mogleg å fikse eit dekk når uhellet er ute. Men ein del føler seg usikre, og då er det greitt å kunne ringe oss, seier Setrom.

Han rår bilistane til å følgje køyretøyets anvisningar for auka lufttrykk i dekka ved køyring med ferielast.

Nummer to og tre på lista over årsaker til utrykning er batteri- og startvanskar samt motorfeil.

Samtidig ser Svein Setrom at utelåsing og tap av nøklar rammar ganske mange om sommaren.

– Når ein låser seg ute frå bilen er årsaka ofte at sentrallåsen har aktivert seg med nøkkelen i. Viss ein er fleire vaksne, er rådet mot dette at kvar av dei oppbevarer kvar sin nøkkel og ikkje legg han frå seg i kupeen. Då er ein òg sikra dersom ein av dei mistar nøkkelen sin, seier han.

Lang ventetid før ferien

Gjennom eit samarbeid med Viking redningsteneste tilbyr verkstadkjeda Automester ein såkalla mobilitetsgaranti, som gir rett til kostnadsfri veghjelp i heile Norden i eitt år etter siste service.

– Garantien gjeld både etter gjennomført intervallservice på eitt av våre medlemsverkstader, og etter det vi kallar ein 20-punkts sjekk, som sørgjer for at bilen er driftssikker og trygg, seier Gjermund Hjell.

Han rår bileigarane til å vere raske viss dei trur det er behov for ein tur innom verkstaden før ferien.

– Det er mange som ønskjer å sikre at bilen er køyreklar til årets langturar, så inn mot ferien kan det bli lang ventetid ein del stader.

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.