Mangfaldig moteshow

Bildeserie:

1 av 29

Det var godt med folk og god stemning då butikkane i sentrum inviterte til moteshow laurdag under Osdagane.

Nytt i år var at modellane var skifta ut. I staden for at dei tilsette i butikkane hadde fått med seg vener for å vise motene stilte 125-årsjubilanten Kysthospitalet opp med tilsette og familiane deira for å vise siste skrik.

For å vera heilt ærleg, så var det befriande å sjå nye fjes som viste kva butikkane i sentrum har å by på.

Kjekt var det også å sjå det mangfoldet som no etterkvart har kome på klesfronten i sentrum. Her var det noko for alle aldrar, frå den lille jenta på tre år til bestemor i ein adskillig høgre alder.

Alle var kanskje ikkje like komfortable på catwalken, men dei baud på seg sjølv og tok det heile med eit smil i sommarvarmen.

– Eg er veldig nøgd. Dei var flinke og sporty, oppsummerte sentrumsleiar William Lindborg etter visninga.