Manglar du bruksløyve på huset eller hytta di?
– Det gjeld faktisk ein god del, men det skal det no bli slutt på.
Når du bygger hus eller hytte, er det eit lovkrav å ha ferdigattest eller mellombels bruksløyve på plass før du kan ta bygget i bruk.
– Av ulike årsaker, er det faktisk ein god del bustader og fritidsbustader i Bjørnafjorden kommune som ikkje har ferdigattest, men som likevel er godt brukte, opplyser kommunen.
Dette skal det no bli ein slutt på.
– I løpet av nyåret vil vi kontakta aktuelle huseigarar som manglar ferdigattest eller bruksløyve, seier leiar av byggesaksavdelinga, Idar Landro.
– Dersom du veit at dette gjeld deg, treng du ikkje venta på brev frå oss. Send søknad om ferdigattest så snart som mogleg, så slepp du vidare oppfølging av saka og eventuelle bøter,
Om du ikkje sender søknad innan fristen er det ikkje lovleg å bruka bygget.
Det betyr at du risikerer bøter eller andre reaksjonar.
Dersom det var ansvarleg søkjar som søkte om byggeløyve, er det dette føretaket som òg må senda søknad om ferdigattest eller mellombels bruksløyve. Dersom føretaket ikkje lenger eksisterer, må du engasjera eit nytt føretak som ansvarleg søkjar.