Mann meldt etter tjuveri frå butikk

Måndag i 15-tida fekk politiet melding om tjuveri frå ein butikk i Os sentrum.

– Vedkomande hadde fått med seg ei vare. Verdien på vara er ukjent for oss, opplyser politistasjonssjef Anne Lyssand.

Ein mann i slutten av 20-åra er meldt for tjuveriet.

Litt seinare, i 16.50-tida, var det eit havari på E39 ved Lunde.

– Det blei minimal kødanning.

I 21-tida kontrollerte politiet ein motorsykkel i Os sentrum.

– Den hadde nokre manglar, og førar fekk pålegg om å utbetra desse.

I natt, litt før ferjeavgang klokka 01.40 frå Sandvikvåg, kom det melding frå politiet på Stord om mogleg råkøyring av to BMW-ar.

– Patrulje køyrde til Halhjem, men ingen av bilane som køyrde av ferja likna skildringane frå Stord.