– Mann over bord!

Bildeserie:

1 av 13

Redningsselskapet, som fyller 125 år i år, er i dag i Os på «Forebyggende seilas».

– Vi besøker 13 hamner frå Måløy i nord til Stord i sør, fortel regionsansvarleg Bente Ottesen.

Ho byrja som leiar for region vest i april i år og er på sitt første tokt av dette slaget.

– Eg er imponert over kor høflege og lydhøyre elevane er. I dag er vi dessutan heldige med vêret.

Litt vind og bølgjesus gjorde at noko av undervisinga skjedde på parkeringsplassen utanfor Peppes i staden for på brygga.

Knop, stikk, tryggleik og sjekk av utstyr

Os Røde Kors, ambulansen, brannvesenet og politiet var på plass med eigne stasjonar, men ambulansen mått ut på oppdrag midt i programmet.

– Elevane er delte opp i grupper og rullerer frå besøk om bord i Bjarne Kyrkjebø til livreddande førstehjelp hos Røde Kors, ein prat om forebygging med politiet, praktisk innføring i gode knopar og stikk hos ung-avdelinga i Redningsselskapet og ein prat med Os brannvesen med redningsdykkarar.

– Målet er både å spreia kunnskap, men òg å danna grunnlaget for gode haldningar til sjøs. Ungar er ofte både lærevillige og flinke til å læra frå seg. Med god innføring trur eg mange av desse òg vil bli gode rollemodellar, seier Ottesen.

I 2015 var Redningsselskapet ute og gav assistanse til over 6000 båtar og redda 30 personar frå å drukna. 30.000 unge fekk innføring i tryggleik på sjøen og 3.900 frivillige gjorde ein innsats for 125-åringen.