– Mann skadd i rasfarleg område

Bildeserie:

1 av 6

Tysdag morgon gjekk alarmen i Os.

Øving: Mann skadd i rasfarleg område i Borgavegen.

– Vi ville ha ei samkjøringsøving med Fana og spesialredningeininga deira, med klatrarar, seier brannsjef i Os, Stein Gjøsund.

– Kjører det ein bil utfor i Rødsliane, for eksempel, er dette høgaktuelt. I tillegg har vi ein del nytt mannskap, og det er nyttig både å bli litt kjent og å testa korleis laga våre jobbar saman.

20 klatrarar

Medan Os har redningsdykkarar har Fana eigen spesialeining med klatreutstyr og –kompetane.

– Vi i Fana og brannvesenet i Os har også redning av turgåarar der det kan bli aktuelt å bruka klatreutstyr.

– Vi har fire vaktlag i denne styrken, kvart lag på fem klatrarar, seier utrykkingsleiar frå Fana brannvesen, Jan Inge Wilhelmsen.

Berga ned til Borgavegen

Det var litt over klokka 9 tysdag at øvinga starta. 25 minutt seinare var vaktlaget frå Fana på plass.

I mellomtida hadde Os brannvesen lokalisert og sikra «den skadde», ein person som var lamma i beina og blødde frå hovudet.

Klatrelaget frå Fana kom med tau, sele og båre, og fekk markøren ned frå skråninga ved transformatoren i Borgavegen før samling på Os brannstasjon.