Mann skrytte om drap
Os-drapet 1. januar: Ein mann skal ha fortalt ein medpassasjer på eit tog at han hadde vore i Os og drept.
Politiet ser etter ein mystisk mann etter drapet på Hilda Feste 1. januar i år, meldte BA.no denne veka.
På togstrekninga mellom Oslo og Trondheim skal mannen ha skrytt over å ha vore den som drepte Feste.
Meldte det til politiet
Mannen skal ha vore rusa og ha fortalt ein tilfeldig medpassasjer at han hadde drept og at han hadde vore til Os ein tur.
BA melder videre at medpassasjeren blei bekymra over samtalen og meldte det til politiet.
Den mystiske mannen er enno ikkje funnen av politiet.
Ikkje uvanleg
- Basert på erfaring er det ikkje uvanleg at ein får slike utsagn i drapssaker med så mykje mediemerksamd, fortel politiadvokat Asbjørn Onarheim til BA.
- Derfor vil vi rydda dette av vegen så det ikkje kjem opp som eit forstyrrande moment i forhandlingane.
Truleg skyldig
Guten som er sikta for drapet på Hilda Feste blei tysdag varetektfengsla fram til hovudforhandlingane 12. november.
Tingrettsdommar Nini Ring skriv i sitt fengslingsvedtak at det er svært sannsynleg at den sikta er skyldig.