Mann tatt med kniv, sag og balltre etter krangel på buss

Måndag i 19.10-tida fekk politiet melding om verbal krangel og mogleg vald mellom to partar om bord på ein buss med retning Os.

Bussen blei stoppa i Endelausmarka.

– Dei involverte var ein mann i 40-åra og ei kvinne i 30-åra, opplyser politioverbetjent Christine Grindstein.

Partane blei kontrollerte på staden.

– Ingen av dei framsto som skadde og ingen ville melda kvarandre. Det er uavklart om det blei utøvd nokon form for vald.

Men det blir oppretta sak på mannen, for bering av kniv, sag og balltre på offentleg stad.

I tillegg blei det funne tjuvgods og narkotika på vedkomande.

Begge blei dimitterte på staden.