Mann tatt utan førarkort
UP skreiv ut fire forelegg, Os lensmannskontor stoppa ein mann i 50-åra.
Fredag rundt lunsjtider blei ein bilførar kontrollert ved Meny Industrivegen.
– Bilførar har ikkje gyldig førarkort. Han erkjente forholdet og vi har oppretta sak.
Vedkomande er ein mann i 50-åra.
Fire køyrde for fort i Dalen
I 13-tida hadde utrykningspolitiet fartskontroll med laser i Hegglandsdalsvegen.
Dei sto ved Hegglandsdalen barnehage i 30-sona og skreiv ut fire forenkla forelegg.
(Retta: Vi skreiv først at dei sto i 50-sona ved Borgafjell barnehage).
Høgaste målte fart var 55 km/t, noko som er 1 km/t frå førarkortbeslag, og fort nok til tre prikkar på førarkortet og 8500 kroner i forelegg.
– UP har fått inntrykk av at det er mykje høg fart i området, og kjem tilbake, opplyser vakthavande ved Os lensmannskontor.
Ved inntil 5 km/t over fartsgrensa er forelegget på 800 kroner.
Personbil stoppa med blått lys i front
Fredag kveld og natt til laurdag var roleg for politiet i Os. Dei stoppa ein bil med blått lys i undersida av fronten. Vedkomande fekk pålegg om å fjerna dette.
– Det er gjeve pålegg med konsekvens, vedkomande blir meldt om dette ikkje blir fjerna.
Dei stoppa òg ein annan bil som mangla det eine køyrelyset. Også vedkomande fekk pålegg.