Mann tok bilde av hus - huseigar tok bilde av mann

Laurdag ba politiet om tips etter at dei i løpet av to dagar har fått melding om to tilfelle av snoking rundt i Os og på Nore Neset.

I løpet av laurdag ettermiddag fekk dei både tips og bilde.

– Ein huseigar i Varåsen reagerte då ein ukjent mann tok bilde av huset hans. Huseigar tok bilde av vedkomande, og har òg sikra seg registreringsnummeret på bilen han køyrde, opplyser politioverbetjent Rune Fimreite.

Politiet vil undersøka saka nærmare.

Fare for vannplaning

I løpet av laurdag kveld fekk to bileigarar pålegg om å utbetra dekka på bilen.

– Det er ekstra viktig med godt dekkmønster når det er store nedbørsmengder, seier politiet.

Den eine av bilistane blei òg pålagt å dokumentera at seinkesettet på bilen er lovleg, og å utbetra manglande feste på bilskiltet.

Edru trafikk gjennom Søfteland

I 4-5-tida i natt gjennomførte politiet ein promillekontroll på E39 ved SØfteland barneskule.

25 bilistar blei kontrollert, alle var edru.