Markerer miljødag

Fredag for ei veke sidan blei det montert ei fin utstilling i vindauga til Drageset Varehus i Os sentrum.

Utstillinga er laga av ungar i Espira Kuventræ barnehage, som ei markering av Miljøfyrtårn-dagen måndag 18. februar.

Lommebøker av mjølkekartingar

– Ungane har laga kunst og brukskunst av ting dei anten har funne i naturen eller av ting som kan kastast, men som fint kan resirkulerast, for eksempel til kunst, seier styrar i Espira Kuventræ.

Konglar, steinar og greiner er tatt i bruk til å laga morosame dyr, indianarleir og leikar.

Gamle gummistøvlar fungerer fint som vase og nokre har laga lommebøker av mjølkekartongar.

– Sjølve Miljøfyrtårn-dagen blei markert med lapskaus i barnehagen, og så var vi ekstra mykje ute denne dagen, seier Berge.

Utstillinga blir tatt ned måndag 25. februar.

Om Stiftelsen Miljøfyrtårn

Stiftelsen Miljøfyrtårn blei danna 13. november 2003, og tilbyr miljøsertifisering som hjelper private og offentlege verksemder å driva lønsamt og miljøvenleg.

Miljøfyrtårn er eit norsk, offentleg sertifikat. Ordninga blir støtta og anbefalt av Miljøverndepartementet.

Ekstern lenkje: miljofyrtarn.no

Fleire fyrtårn i Os

Kuventræ barnehage var den første Miljøfyrtårn-verksemda i Os. Sidan har det kome fleire, her er alle:

Espira Kuventræ barnehage
Espira Ulvenvatnet
Meny Industriveien, les òg: Ein av dei første
Os/Tysnes klinikksjefområde
Princess Os Amfi (avd. 393)
Solstrand Hotel & Bad, les òg: Miljøfyrtårnet Solstrand
Vinmonopolet Os