Lokal | 15. mai 2012

- Mat er ikkje sjølvsagt

Det understreka bondelaget då dei protesterte mot jordbruksoppgjeret på Moberg tysdag.

- Mat er ikkje sjølvsagt
Erlend Moberg (kjøtfeprodusent), Olav Botnevik (mjølk- og kjøtprodusent), Hans Lyssand (mjølk- og kjøtprodusent) og Rune Lekven (mjølk- og kjøtprodusent) protesterte mot landbruksoppgjeret tysdag (foto: Andris Hamre)
Andris Hamretirsdag 15. mai 2012 09:29

Staten har tilbydd bøndene ei auka inntektsmoglegheit på 13 000 kroner i årets jordbruksoppgjer. Når andre grupper kan rekna med ein vekst på over 17 000 kroner får dette bøndene til å reagera.

- Stortinget har bede oss om å produsera meire mat, men i staden for å tetta inntektsgapet mellom bøndene og andre grupper aukar forskjellen, fortel aksjonistane på Moberg.

Medan kollegaer i næringa blokkerar møllene slik at dei ikkje skal få køyrd ut matmjøl til bakerane aksjonerte Osbøndene ved å gå på Kiwi for å handla brød. Samstundes gav dei klart uttrykk for kor dei meiner ansvaret ligg gjennom plakatar med bilete av statsminister Jens Stoltenberg.

- Vi gjer ikkje dette for å ta brødet frå folk.

- Vi er sjølvsagt interessert i at folk skal ha brød i brødskuffen, men folk må vera klare over kor maten kjem frå, forklarar Olav Botnevik.

Ei meiningsmåling gjennomført av Nationen tysdag syner at 86% av folket er villige til å betala dei 2,2 milliardane bøndene krev i samband med jordbruksoppgjeret.

Berre 8 på heiltid

I Os er det i dag berre 8 gardsbruk som blir driven på heiltid mot 17-18 bruk i starten på 2000-talet.

- Av slutprisen ut til forbrukar får hovudprodusenten (bonden, journ.mrk) berre 44%.

- Om vi i Noreg hadde gjort som i Canada kor produsentane får 60% av kaka skulle vi klart oss godt som heiltidsbønder.

- I tillegg kunne slutprisen til forbrukar vore satt ned, og framleis hadde vi klart oss godt, forklarar Botnevik om ståa for norske matprodusentar.

Fekk ikkje kjøpe alt dei ville

Om ikkje regjeringa har reagert på bøndene sin aksjonsform så har i allefall matvarekjedene gjort det. På veg inn for å handla fekk dei fire bøndene oppfordring frå butikksjefen om ikkje å forsyne seg for grovt av brødhyllane. Ein instruks ho hadde fått frå kjedekontoret.

- Vi har forståing for at kjedene seier det, men dei kan ikkje nekta kundane å handla.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.