Mats blei matchvinnar!
Osingen Mats Cato Moldskred skåra ei perle av eit mål då han avgjorde bortekamp for Brage i svenske Superettan.
Mats Cato Moldskred, som i vinter gjekk til Superettan-klubben Brage, opna i dag målkontoen i sin nye klubb.
Mats blei matchvinnar då han i 86. minutt heada inn 2-1 over Falkenbergs framfor 1072 tilskodarar i seriens 3. runde.
Osingen spelte frå start i første runde og fekk 61 minutt i kampen som enda med bortetap 3-1.
I andre runde byrja han på benken, men kom inn i 59. minutt. Den kampen enda med 2-1-siger på heimebane.
I dag spelte Brage borte igjen. Falkenbergs tok leiinga i 4. minutt, Brage utlikna i 46. minutt.
I 76. minutt kom Mats Cato innpå, 10 minutt seinare skåra han det avgjerande 2-1-målet.
Ekstern lenkje: svenskfotboll.se/superettan