Lokal | 24. aug. 2019
Måtte kvila i 9 timar
Statens vegvesen hadde kontroll på Halhjem i går.
Kjetil Vasby Bruarøylaurdag 24. aug. 2019 09:48
Statens vegvesen hadde kontroll på Halhjem fergekai og ved Lagunen i Fana fredag.
Ein sjåfør blei meldt for brot på køyre- og kviletida, då vedkommande berre hadde kvilt i 6 timar, ikkje 9 som i kravt.
Sidan han var inne i eit aktivt brot måtte han «starta på nytt» og kvila 9 timar på plassen. Han blei òg meldt til politiet.
Ein bilførar blei meldt for å køyra utan førarrett. Bilen var dessutan begjært avskilta.
– Ti køyretøy fekk teknisk mangel på lys. Det er ikkje bra med tanke på den mørke årstida vi går inn i, skriv vegvesenet i rapporten frå gårsdagen.
Tre andre fekk mangel på bremsar.