Måtte taua tre bilar og éin moped

Om ein knapp time byrjar showet knytt til starten på årets Tour des Fjords.

Starten går i Os sentrum, der Os kommune og politiet i går gjekk dør til dør for å få vekk alle bilane der eigarane hadde oversett p-forbodet etter klokka 21 i går.

– Vi banka på dører i bustadar i sentrum, var innom restaurantar, helsestudio, bingo og politiske møter. Det meste blei rydda unna, fortel Elisabeth Thomassen frå teknisk eining i Os kommune.

Dei hadde med seg politiet og Falcken. Til slutt var det tre bilar og ein moped som måtte fjernast. Bilistane må ut med 2500 kroner for å få bilen tilbake.

– To av dei har allereie henta bilane sine. Mange kan bli betre til å lesa skilt, det var til og med bilar som prøvde å parkera mens vi sette opp sperringar i går.

Stengde vegar i Os og Bergen

Skal du nå noko i dag? Ein legetime, ei handballtrening eller eit møte i Os, Fana eller Bergen?

Då bør du vera tidleg ute!

Kor kan du parkera? Kva vegar blir stengde? Her får du oversikt.