MC-uhell førte til kø på Osveien

Det blei stopp i trafikken mellom Os og Bergen på E39 Osveien tysdag morgon.

Vegtrafikksentralen varsla om MC-uhell i «Melkesvingen» på bysida av Vallaheiane klokka 07.35.

– Førar er vaken og bevisst. Det er ein del trafikale problem på staden, opplyste Vest politidistrikt.

Vegen opna for normal trafikk igjen klokka 08, men klokka 08.15 var det framleis saktegåande trafikk frå Os-sida av Vallaheine og over toppen.

Også frå Fanahammaren mot Lagunen er det tett med trafikk, ifølgje Google Maps si trafikkovervaking.